Imgerut 79:9 - Labrador Inuttitut Heritage Bible

⁹ Ikajortigut Gûde, ikajortivut atterpît nertornauta pivlugo; piulitigut ajornivullo ullapᴋoserkit attit pivlugo.

Imgerut 79:9 Iomraidhean Croise

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

Imgerut 115:1

Uvaguungitok Nâlegak, uvaguungitok, attîlle opigijauneartiuk, saimarviᴋarnît mikseᴋârnîllo pivlugik.

Imgerut 25:11

Attit pivlugo Nâlegak namangitullinikka unnuktoksôjut saimarvigikit.

Imgerut 31:3

ᴋairtorigapkit torᴋorviksaᴋautigilutillo, attîllo pivlugo aulatiniarparma tassiorniarlungalo.

Imgerut 65:3

Idluitullinipta nênidlarpâtigut; igvit ajornivut issumagijungnailaukittôk.

Jesaiase 43:25

Uvanga, uvanga idluinitit pêjarpakka uvanga pivlunga, idluitullinitillo issumagijungnairpakka.

Jesaiase 48:9

Attera pivlugo ᴋennuersârpunga, opinartoᴋsôneralo pivlugo illungertolungilanga nungutsomavlutit.

Jeremia 14:21

Attît pivlugo naggoginiaratiguttôᴋ, ânanaunivît iksivautaᴋsoanga mitautiksautiniarnagotôᴋ; erᴋailaurit, angeᴋatigêngnerijat uvaptingnut, serᴋominiarnagotôᴋ.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Hesekiel 20:14

Piniarpungale attera issumagivlugo, tâmna ivsornaijungnaititauᴋonago inôᴋatigêksuit aularutjivigilauᴋtama tâpkoninga sângine.

Hesekiel 20:44

Kaujijuksaulârposelo uvangaugama Nâlegaᴋ, attera pivlugo sulivigigupse, apᴋutise idluitut maliklugi-ungitoᴋ, piniarniselo asserornartut maliklugi-ungitoᴋ, ilipse Israêlib ᴋitorngangit, oᴋarpoᴋ Nâlegaᴋ Nâlegaujoᴋ.

Hesekiel 20:9

Piniarpungale attera issumagivlugo, tâmna ivsornaijungnaititauᴋonago inôᴋatigêksuit, tâpkoa najortangita, takoane, tâpkoa takoane ᴋaujijautilaurama uvamnik tâpkonunga anitilaurapkit nunamit Egiptenemit.

Daniel 9:19

Nâlegaᴋ, tusalaurit; Nâlegaᴋ, issumagijungnainilaurit; Nâlegaᴋ, naipitolaurit piniarlutillo; akunêdlarnak; nangminît pivlutit, Gudiga, iglugasaksoaᴋotitit inuᴋotitillo taijaungmatta attinut.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.

Efêsusemiunut 1:6

Saimarsautine ânanaujoᴋ nertortauᴋovlugo, tamattomunga ᴋuviagijautingmatigut erdlingnartome.

Josua 7:9

Kanaaniterillo nunamiullo illunatik tamattominga tussarunik, illuniarpâtigut, attivullo pejarniarpait nunamit. Sunamiglo pinniaromavît atterne angijome?