Imgerut 78:7 - Labrador Inuttitut Heritage Bible

⁷ Tattiksamingnik tungaᴋovlutik Gûdemut, puigornatiglo Gûdib pinniarninginnik, perᴋojanginniglo naleᴋovlugit.

Imgerut 78:7 Iomraidhean Croise

Imgerut 103:2

Tarnîk Nâlegak nertoruk, puigorniarnaglo sunamik ajungitullivigilaungmattit.

Imgerut 105:45

Nâlatsiartuksauᴋovlugit idluarijanginnik, ivlersijuksauᴋovlugillo malligaksauᴋojanginnik. Halleluja.

Imgerut 105:5

Erᴋaumalersigik tattamnartulliningit, pinnialauktangit; nellunaikutangit ᴋaningatalo idluarsainingit.

Imgerut 146:5

Pilloringnarmêk, ikajorteᴋartok Jakob Gûdinganik, sungertuteᴋartok Nâlekamik Gûdiminik;

Imgerut 40:4

Pillorikpok tâmna Nâlekamik sungertuteᴋartok, sâlungitorlo piôjorijunnut, saglonerniglo attorpaktunnut.

Imgerut 62:5

Tarnîk, innilangalutit Gûdemik uttakkituinarit; nerriungnera tâpsomangat pingmat.

Imgerut 91:14

Killanârivânga, tamanna pivlugo ikajoromavara; attimnik illitarksivok, tamanna pivlugo sappumijaromavara.

I Korintemiunut 11:24

ᴋujalivlunelo avgorpâ oᴋarlunelo: Tigulugo nerrisiuk; tagva timiga, tunijauniartok pivluse: taimailioritse erᴋaumajauniksamnut.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 5:29

ᴋanoktôk taimaitomik ômateᴋatsainarlit sivôraᴋovlugit uvamnik perᴋojakkalo tamaita maliklugit, piloridlarᴋovlugit, tâpkoa ᴋitorngangillo soraijuitomik.

Deuteronomy 6:12

Tagva udjertorit puigorᴋonak Nâlekamik tikiutjijingnik nunamit Egiptenemit, iglomit kipalovingmit.

Deuteronomy 6:21

Ernît oᴋautilârpat: Faraub kipalogilauᴋpâtigut Egipteneme; Nâlekablo tikiupâtigut Egiptenemit aggangnut pitsartujunut;

Deuteronomy 6:25

Idluarsijutigilârpavullo, perᴋojaᴋ tamanna nâvlugo nâmaksitikuptigo Nâlekab Gûdipta sângane, sorlo tâpsoma perᴋongmatigut.

Deuteronomy 8:11

Udjertorit puigorᴋonak Nâlekamik Gûdingnik, tâpsoma perᴋojangit, idluarsautingillo, maligaksauᴋojangillo, uvlome perᴋojijutigijakka ilingnut, maligungnailugit perᴋonak;

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Johannesib 5:3

Gûdemik naglingniᴋ tamadja, piᴋojangit malikaptigik; piᴋojangillo ajornangilat.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.