Imgerut 78:19 - Labrador Inuttitut Heritage Bible

¹⁹ Gûdelo akkerartorlugo oᴋautigivât oᴋarlutiglo: Gûde nerrimaraksamik âᴋiᴋsuijungnaralloarᴋâ sunaᴋangitome?

Imgerut 78:19 Iomraidhean Croise

II Atannit 7:2

Tagva angajoᴋaksuit ilangata, atanniub aggangita ajakpagangata Gûdib anguteᴋotinga kiova, oᴋarlunelo: Nâlegarlo igalangnik sennanajarune ᴋilangme, ᴋanok tamanna pijungnarajarka? Tamna oᴋarpok: Ahâk ijingnut takkoniarpet, nerriniangilatille tamattomangat.

II Kronika 32:19

Jerusalemiullo Gudingat oᴋautigivat, innugasaksuit nuname Gudingoangititut, innuit aggangita sannajangititut.

Hiobe 34:37

“Ajornerminut illautitsivok idluitullinermik, aggane pattaktorpait akkonaptingne, oᴋautsinelo unuktôtipait Gûde akkerartorlugo.”

Imgerut 23:5

Igvit sâmne sâmik (nerrimavingmik) âᴋiksoivotit ômigijima takkoane. Igvit niaᴋora mingoarpat orksomut, imilarmalo namaktomik.

Exodus 16:3

Israêlikullo oᴋautivakit: Atso ilâ! nakudlarajalaungnerpoᴋ toᴋolaurupta Nâlekab agganginut nuname Egipteneme, iksivalaurapta ukkusit igautit saniane ᴋakᴋôjaktoraptalo akᴋeartorluta; tagva tikiutitipaptigut sunaᴋajuitomut ômunga ilagêt ukoa ilûnnaita toᴋotsomavlugit perlernermut.

Numbers 11:13

Nakit nerᴋesiniarᴋêk tunijaksamik inugiartoᴋsoarnut makkonungâ? Keadlarmatta uvamnut, oᴋarlutik: Nerᴋiksamik tunitjivigitigut nerrijungnarᴋovluta.

Numbers 11:4

Takorngartallo sunatuinait tâpkoa akornganêtut ikligudlalerput; Israêlikullo ᴋeasungogivut, oᴋarlutiglo: Kia nerᴋejamik tunitjiviginiarpâtigût, nerriᴋovlutâ?

Numbers 20:3

Inugiartoᴋsuillo akkerartorput Mosesemut, oᴋarlutiglo: Sinaungamêk toᴋoᴋataulaunginapta ᴋatangutivut toᴋomatta Nâlekab sângane.

Numbers 21:5

Inugiartoᴋsuillo Gûdelo Moseselo oᴋarnilutigivakit, Suna pivlugo tikiutivitigût Egiptenemit toᴋoᴋovluta sunaᴋajuitomê? Niaᴋôjaᴋangimat imeᴋangimallo, tarniptalo nerᴋiksalugasait makkoa ariupait.

Rômiunut 9:20

Inuk ômât! igvit kinavêt, Gûdemut akkerartoromagavît? Sanajaᴋ sanajiminut oᴋartuksauvâ: Sôᴋ taimak sanavingâ?

Takotitaunermik 13:6

Kaninelo angmarpâ mitauteᴋarlune Gûdemut, atinganiglo, tupersoanganiglo, ᴋilangmiuniglo mitauteᴋarlune.