Imgerut 77:3 - Labrador Inuttitut Heritage Bible

³ Gûde erᴋaumavara uimajâdlarlungalo; issumaksarsiorpunga, annerneralo illungudlarpok, Sela.

Imgerut 77:3 Iomraidhean Croise

Genesis 37:35

Erningitalo panningitalo ilûnatik manigoriartoralloarpât, kissiane manigortaujomangilaᴋ, oᴋarlune: Ogguarlunga ernimnik kannungarniarpunga toᴋungajut ininganut! Atâtangatalo ᴋeavâ.

Hiobe 15:11

Gûdib mannigoiningit taimâk pijariakitônasugijaujuksauvât illingnut? Oᴋauserlo illanersarnermut oᴋautigijaujok illingnut?

Hiobe 31:23

Asserortaunek Gûdemut sivôragigapᴋo, angijoksôningalo sapperajarapᴋo.

Hiobe 6:4

Ajugaᴋangitub ᴋârjungit kappusimangmatta illumne, tâpkoa kaningajadlarningita anernera immerpâ nungudlugo; Gûdiblo; sivôranarningita torârpânga.

Hiobe 7:11

Tamanna pivlugo uvangatauk ᴋanera agviaromangilara; ômattima kappiasungninga oᴋarutigijomavara, tokkailungalo oᴋaromavunga tarnima kiksarninganik.

Imgerut 42:11

Sôg kiksartiᴋît tarnîk uimajâdlarlutillo illumne? Gûde nerriugiuk: ᴋujaginiarapᴋo sulle, kênama ikajortigingmago Gûdigigapᴋolo.

Imgerut 42:5

Sôg kiksârtiᴋît, tarnîk, uimajâdlarlutillo illumne? Gûde nerriugiuk; ᴋujaginiarapᴋo sulle, ikajormanga kênaminut.

Imgerut 43:5

Sôg kiksartiᴋît, tarnîk, uimajârlutillo illumne? Gude nerriugiuk; ᴋujaginiarapᴋo sulle, kênama ikajortigingmago Gûdigigapᴋolo.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 61:2

Nunab issuanit nipliavigivagit ômattiga kappiasulerangat; tassiorlaunga ᴋairtomut innornartomut uvamnut.

Imgerusersoak 3:1

Unnuarme innangavimne tâmna tarnima erdligijanga ᴋennerlaukpara. Kennerlaukpara, nachvârnagole.

Jesaiase 26:16

Nâlegaᴋ, kappianartoᴋalerangat, ᴋennerpâtit; sugialerangangne, anersauminikut nipliavigivâtit.

Jeremia 17:17

Kapiasûtauniarnak uvamnut; saputijauvigivagit kapianartûb uvlungane.

Jeremiab Ogguarutigijangit 3:17

Tarniga nûtilaukpat ulapirᴋsaumit; piloringnerlo puigorpara.

Jeremiab Ogguarutigijangit 3:39

Sôk inuk inôvlune ârusukâ? Inuk inôjok ajornerminê?