9 Uvangale nallonêrsijomavunga soraijunanga, Jakoblo Gûdinga imgervigijomavara.
Ijikita asserortauninga takkojomârpâk, Ajugaᴋangitublo ilûngertorninganit immeromârpok.
Nâlegak imgervigijomavara inôsera nâlugo, Gûdigalo nertoromavara înera nâlugo.
Idluarnît ijertorlungilara ômattimne; mikseᴋârnît piuliklernîllo oᴋautigivâka illagêktoksuit sângine.
Nagligijattit piulijauᴋovlugit, iᴋajulaurit tallerpingnut, tussalutalo!
Unipᴋârᴋovlunga nertornarnernik tamât Zionib panniata itterviksoanginne, ᴋuviasorᴋovlunga ikajornît pivlugo.
Imâk Nâlakab, Israêlib Gudingata, oᴋautingmanga: Kajûtaᴋ ᴋaningaumajârnima vaininganik imalik tiguguk aggamnit, inôᴋatigêksuillo tiliklervigijakka ilingnik tamaita imertikit tâpsomangat.
Imeraksarivat aluktorlugolo, kinganekungit ipardlugit, iviangîkik aliktorlugik; uvanga taimak oᴋarama, oᴋarpoᴋ Nâlegaᴋ Nâlegaujoᴋ.