Imgerut 74:3 - Labrador Inuttitut Heritage Bible

³ Ittikketit kivikit serᴋomakunut soraijuitunnut. Omisukte tamainik asseroimavok ivsornaitovingme.

Imgerut 74:3 Iomraidhean Croise

II Atannit 25:9

Ikkipaillo Nâlekab iglunga, atanniublo iglunga, iglullo ilunnaita Jerusaleme, iglullo angijut ilunnaita ikkipait.

Nehemia 1:3

Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.

Nehemia 2:13

Unnuarmelo horsekut annilerpunga nâksab itterviksoangagut, puailavingmut Drachemik atelingmut, itterviksoarmullo perorsaijomik atelingmut tikkidlunga; ᴋemergovakkalo Jerusalemib avaluksoangita ᴋarmangit serᴋomisimajut, upkoaksoangillo ikkomamut nerrijaumalauktut.

Nehemia 2:3

Oᴋarlungalo atannermut: Atannek innôle issoᴋangitomut, uvanga tautorluktuksaungilanga? Iglugasaksuit atâtagijama illijartortaumaningita najugangat asserorsimavut, upkoaksoangit ikkomamut nerrijaumavut.

Imgerut 44:23

Tuppaksarit Nâlegak, sôg sinniᴋît? Tuppalaurit ajâktormaringniaratigullo!

Imgerut 44:26

Oppalungaijarit ikajortigut, piulilutalo, pitsiarnît pivlugo!

Imgerut 79:1

Gude nallojut ittârsimavut kingormgutijarnut, Tempeleᴋotillo ivsornaitok ivsornartilaukpât, Jerusalemelo ujarangortilaukpait ᴋallerêktunnik patsalungajunik.

Jesaiase 10:6

Tillijomavara nunaᴋatigênut nertornalungitunut, perᴋojomavaralo nunaᴋatigênut ningaumajutigijamnut, arᴋtaijaurᴋovlugit aᴋsârtaurᴋovlugillo tullerajartaurᴋovlugillo tâpsomunga aktalukutitut iglut akkornganne.

Jesaiase 25:10

Nâlekab aggangit ᴋaᴋᴋamik mattominga tupveᴋaromârput. Moabele tukkartaujomârpoᴋ attânut, sôrlo ivivinît tukkartauvangmatta annarvingmut.

Jesaiase 61:4

Igloᴋarungnairtitaumajut itsaᴋsoarme igloᴋartitsomârpait, serᴋomakut sivorlerijamingnit pijut nutângortitsomârpait, iglugasaksuit asserorsimajut âᴋiksoromârpait, serᴋomakut itsarnitat.

Jeremia 52:13

Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.

Jeremiab Ogguarutigijangit 1:10

Omisuktub aggane issakpait pivianartoᴋotinginut tamainut, takonârtuksauvorlo nelojut itârmatta katimaviksoaᴋotinganut, tâpkoa pivlugit perᴋojilauraloartilutit itertuksaungimatta ilagêktoᴋotingnut.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Daniel 9:17

Mâna tagva, Gudivut, kivgavit tuksiarningit ᴋinuningillo tusalaukittôᴋ, kênavillo ᴋaumarsarliuk ivsornaitovît sujuktaumajoᴋ, Nâlegaᴋ pivlugo.

Daniel 9:27

Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Migga 1:3

Tagva, ahâk, Nâlegaᴋ anijomârmat iniminit, aᴋᴋaromârporlo, nunablo poᴋtoningit tungmerarilugit.

Migga 3:12

Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.

Markuse 11:17

Ajoᴋertuivlunelo oᴋautivait: Aglaksimangilâᴋ: Igluga taijaksauvoᴋ tuksiarvingmik inungnut ilûnainût? ilipsele inuarviotilauᴋpasse.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Josua 10:24

Attannille tallimat tapkoa âtaumangmatta tapsomunga, Josuab Israelitit illuêngarlutik ᴋaiᴋovait, oᴋarlunelo sorsuktuksat illagijame angajoᴋanginut: ᴋaititse ovunga, attannillo ukkoa tuttisigik ittikkapsingnut ᴋongasingitigut! Kaivullo tagvunga, tuttilutiglo ittikkamingnut tapkoa ᴋongasinginut.

Takotitaunermik 11:2

Tempelible silatânêtok egidlugo ôktorniangilat, nelojunut tunijaungmat, iglugasaksuillo ivjornaitut tullerajaromârpait takᴋit 42 it nâvlugit.