Imgerut 73:18 - Labrador Inuttitut Heritage Bible

¹⁸ Siarginartomulle pitituinarpâttit, ochotilugillo serᴋomerᴋovlugit.

Imgerut 73:18 Iomraidhean Croise

Imgerut 35:6

Apᴋotinget tâktôlerle ᴋoaitarnalerlelo, Nâlekablo Engelingata unangmiligit!

Imgerut 37:20

Gûdeᴋangitut nungutaujomârmatta, Nâlekablo ômigijingit, naternaub tungojoktub ânanauningatut nungujomârput, sorlo isserluk nungusârmattut.

Imgerut 37:24

Pâlakune, tagva egitaulungilak, Nâlekab tigumingmago aggangittigut.

Imgerut 55:23

Igvillo Gûde ijuᴋartitsomârpâttit ittersâlungmut. Auruktut nallangaitullo inôtsimik ᴋetterarningit angujomângilait; uvangale tattigivagit.

Imgerut 92:7

Gûdeᴋangitut tungojoksivut iviksukattitut, idluitullijullo nuvugolâtârput illûnatik; nungutauᴋârtinagit soraijuitomik.

Imgerut 92:8

Igville Nâlegak poktojoksôvotit issoᴋangitomut.

Imgerut 94:23

Tâpsomalo namangitulliningit akkiniarutigijomârpait tâpkoninga, kassêninginnullo nungutsomârpait; Nâlekab Gûdipta nungutsomârpait.

Jeremia 23:12

Tamanna pivlugo apᴋotingat siargitârnartotut pisuktomut tâᴋtome ilinganiarpoᴋ; ungortaulârput okpikâlutiglo tagvane; idluitomik tikiutjijomagama tâpkonunga, nalipsartauningita jâringane, oᴋarpoᴋ Nâlagaᴋ.

Deuteronomy 32:35

Akkiniarneᴋ uvanga pigijara, uvanga akkiniaromavunga, itigangita siargitarningat neliutikpat; uvloᴋ kapiasugvingat ᴋanitôngmat, tikituksallo tâpkonunga aggervigijarêrpait.

II Tessalônikamiunut 1:9

Taipkoa pidlartaujomârput asserornartoᴋsoarmut issoᴋangitomut, Nâlekab kênanganit pitsartuninganillo ânanaujoᴋsoarmit pijomut;