Imgerut 68:5 - Labrador Inuttitut Heritage Bible

⁵ Atâtaujok illiârsungnut, idluarsaijôjorlo uigarnernut; Gûdeojok inimine ivsornaitome.

Imgerut 68:5 Iomraidhean Croise

II Kronika 30:27

Ajochertuijullo Levitillo nikkovilerput saimartilaitalo innugasaksuit, nippingallo tussartaulaukpok, tuksiarningallo tikkilerpok takpaunga innigijanganut ivsornaitomut ᴋillangmut.

II Kronika 6:2

Uvanga iglo igloliolauralloarpara igloksarnut, innelo innigijaksarijat soraijuitomik.

Imgerut 10:14

Takkolaukpotit; ᴋannoêtut kappianartullo tautukpâttit; illijaksauvut aggangnut; aklujut perᴋovât illingnut; ikajorteôvotit illiârsungnik.

Imgerut 10:18

Illiârsuk aklujorlo idluarnermik sakᴋêvigigangne, innuk tattitosarungnaiᴋovlugo nuname.

Imgerut 118:19

Idluarnerub upᴋoaksoangit upkoêsigik uvamnut, tagvunga itterᴋovlunga, Nâlegarlo ᴋujagilugo perᴋovlunga.

Imgerut 146:9

Nâlekab tujormitjat sapputivait, illiârsuillo uigarnerillo pattangaitipait, Gûdeᴋangitullo apᴋosininget mumiktipâ.

Imgerut 150:6

Illûnatik annerneggit Nâlegak nertorlitsuk. Hallêluja!

Imgerut 33:14

Iksivautaksoaminit aulajuitomit illunaita takkonârpait, nuname nunaᴋartut.

Imgerut 72:2

Idluarsaiᴋovlugo inugasaksoaᴋotingnik idluarnermut, ajulertoᴋotingniglo nâmanermut.

Imgerut 72:4

Tâpsoma pattangajut inugasaksuit akkorngane idluarnermik saᴋᴋêviginiarpait, aklujullo ikajorniarpait, oᴋumaiksartitsijullo egilugit serᴋomitsomârpait.

Exodus 3:15

Amma Gûde oᴋarpok Mosesemut: Imâk oᴋartuksauvotit Israêlekunut: Nâlekab atâtapse Gûdingata, Abrahab Gûdingata, Isaab Gûdingata, Jakob Gûdingata tilivânga ilipsingnut. Tamadja atera nâksaungitomut pijara, tamadja taigusera kinguvarêt kingordlinginut.

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jesaiase 12:4

Taipsomanelo oᴋaromârpose: Nâlegaᴋ ᴋujagidlarsiuk, attinga oᴋâlajutigisiuk, piniarningit oᴋautigisigik nunaᴋatigêksuit akkornganne, attinga opinartoᴋsôjok nertorsiuk.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 66:1

Nalegak oᴋarpoᴋ imâk: Kilak iksivautarivara, nunalo ittikkama ikkovrarivât; sunamik uvamnut iglolioromavisê. sunamiglo innilangaviksamnik?

Jeremia 49:11

Iliarsugijatit taimailingatuinartikit, uvanga pairijomavakka; uigarnerijavillo tatigilinga.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Hosea 14:3

Assurib piulinialungilâtigut; horsene ablangajomangilagut aggaptalônêt senajanginut oᴋarungnairomavogut: gudigivapse: ilingne iliarsuit nâpkigijauneᴋsingmatta.

Efêsusemiunut 5:1

Tagva mâna Gûdemik malikteoleritse ᴋitorngatitut naglingnartutit.

Deuteronomy 10:18

Iliarsuit uigarnerillo idluartomik piniarvigivait, takorngartarlo nagligilugo tunitjivigivâ nerᴋiksamik annorâksaniglo.

Deuteronomy 26:15

Inigijarnit ivsornaitomit, ᴋilangmit, takosalaurit, saimarsarkillo inuᴋotitit Israêlikut, nunalo tunijat uvaptingnut, sorlo saglungimariklutit oᴋalauravit atâtagijaptingnut, nuna kôᴋartok imungmik igupsaujârtullo orᴋsuanik.