Imgerut 68:18 - Labrador Inuttitut Heritage Bible

¹⁸ Igvit ᴋongmuarsimavotit, parngnanairsimavik parngnanairsortautilaukpat, tunnergusiannik pilaukpotit innungnut illingajuksanik, ᴋemaimajunnuttauk, Gûde Nâlegak tagvane inneᴋarᴋovlugo.

Imgerut 68:18 Iomraidhean Croise

II Kronika 6:18

Gude nallâgut inneᴋaromagalloarᴋa innungne nuname? Ahâk ᴋillaub ᴋillaillo ᴋillangita illunamasiatik illumajungnangilatit, ᴋannok tagva iglo una igloliorlauktara pijungnarajarᴋa tamattominga?

Imgerut 110:1

Nalegak oᴋalaukpok Nâlekamnut: Tallerpingma tungânut ingitit, ômigijingnik illijerᴋârtinanga ittikavît ikovranganut.

Imgerut 24:3

Kina Nâlekab ᴋaᴋᴋanganut ainiarᴋâ? Kinalo nangitsainaromârᴋâ tâpsoma inningane ivsornaitomê?

Imgerut 47:5

Gûde ᴋongmuarpok igiaᴋomijartoᴋartillugo, Nâlegarlo tiptulausijartoᴋartillugo.

Imgerut 7:7

Inuᴋattigêksuit kattimalerᴋokit avatingnut! tâpkoalo ᴋollânut kagvalaungmît.

Imgerut 78:60

Iglune Silome ipperaramiuk, tuppek, inuit akkorngane inneᴋarutigijane;

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Joel 2:11

Nâlekablo nippine anitipâ sorᴋsuktoᴋatigêksoarme sivurâne; tangmârvinga angijoᴋsôdlarmat; oᴋausinganiglo nâmaksititsijoᴋ pitsartudlarpoᴋ; Nâlekab uvlunga angijôdlarmat sivôranartoᴋsôlarmelo; kia sapingikaûk?

Mattêuse 9:13

Tamattomale tukkinga ilinniariartorsiuk: Nâpkiningneᴋ ᴋuviagivara, tunergutille pinagit. Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.

Markuse 16:9

Jêsusele uvlâkut makiname, vochib uvlungita sivorlerpângane, sakᴋerᴋârpoᴋ Maria Magdalênamut, anititsivigilauᴋtaminut Sâtanasinik 7 nik.

Lukase 24:47

Oᴋâlaᴋojilunelo atermine ᴋaᴋialernermik issumagijaujungnainermiglo ajornernit inuᴋatigênut tamainut, Jerusalemiut pigiarᴋârlugit.

Lukase 24:49

Ahâglo, atâtama oᴋautigilauktanga ilipsingnut tilijomavara. Ilipsele iglugasaksoarne Jerusalemêtuksauvose, pângat pitsartunermik tunitsivioᴋârase.

Lukase 24:51

Taimâglo saimartiᴋamigit ᴋemakpait, ᴋilangmullo ᴋongmuarpok.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

Johannese 16:7

Mikseᴋârtomigle oᴋautivapse: Idluarpok ilipsingnut, ainiarama. Ainiangikuma, manigorniktub tikiniangimase. Ainiarumale, tilijomavara ilipsingnut.

Apostelit Piniarningit 2:23

Tâmna (Gûdib isumasimanerminut pijomajaminullo tunilaungmago) tigulaukpase idluitulijut aggangitigut, kikiaktorlugolo saningajolingmut toᴋodlugolo.

Apostelit Piniarningit 2:4

Ilûnatiglo ilumertaulerput Anernermik ajunginermik, oᴋâladlalerpullo oᴋautsinut tusarngartanut, sorlo Anernerub oᴋâlajungnartingmagit.

Apostelit Piniarningit 9:17

Ananîasele aivok iterlunelo iglomut; aggangminullo patingmivâ oᴋarlunelo: Naglingnartok ᴋatangut Sauluse, Nâlekab Jêsusib, takotitub ilingnut apᴋome tamaungartilutit, tilivânga tautuktitauᴋovlutit ilumertauᴋovlutillo Anernermik ajunginermik.

Rômiunut 5:8

Taimaimat Gûdib naglingnine uvaptingnik nalonaijarpâ, Kristuse pivluta toᴋolaungmat, sulle ajortoᴋsôtiluta.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Deuteronomy 33:2

Oᴋarporlo: Nâlegak Sinaimit tikipok, Seiremit tâpkonunga nuisimavlune; issagutârpok Pâranib ᴋakᴋanganit, tikiporlo ivsornaitut ten tausendit ilagilugit; talerpiane perᴋojaᴋarpok ikomaujârtunik tâpkonunga.

Kolossamiunut 2:3

Perᴋutit ilisimajutiksat ilitarsijutiksallo tamaita tâpsomane ijersimangmatta.

Kolossamiunut 2:9

Gûdionek ilûnane tâpsomanêmaringmat timeᴋardlune.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 4:14

Ajoᴋertuinerôjoᴋsoaᴋarapta tagva, Jêsusemik, Gûdib erninganik, ᴋilangmut aimajomik; kigligiutsineᴋ (okperniptingnik) atavigênarlavut.

Ebrêerinut 6:20

Taᴋamunga sivorlertoᴋ Jêsuse pivluta itersimavoᴋ, Melᴋisêdeub ilinganingatut ajoᴋertuinerôtitaujoᴋ issoᴋangitomut.

Ebrêerinut 8:1

Okautigijavut tagva katidlugit imaiput: Taimaitomik ajoᴋertuinerôjoᴋarpogut, iksivajomik Nâlegaviksûb iksivautaᴋsoangane, talerpiata tungâne ᴋilangme;

I Pêtrusib 3:22

Tâmna ᴋilaliarame, Gûdib talerpiata tungânêpoᴋ, Engelillo, atanersuillo, pitsartudlartullo naipertorpât.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.

Takotitaunermik 21:3

Tussarlarmalo nippersarmik iksivautaksoarmit, oᴋartomik: Ahâk tagga Gûdib tupinga inungnêtok! Tâpsomalo iglomioᴋatiginiarpait inuᴋotigilaitalo; Gûdiblo nangminek illaginiarpait, tâpkoalo Gûdiginiarpât.

Idluarsaijut 5:12

Atte, atte Debora, atte, atte, imgerutiksamik imgerit: Parngnailerit Barak, tigulugillo tigujomajitit, igvit erniôjotit Abinoamut!