4 Pilloridlarpok igvit annerijet, inneᴋarᴋojello iglorusingne. Namaksijautitigut iglovît, Tempeleᴋotivît perᴋutinginut.
Tagva igvit tuksiarningit, ᴋennuningillo tussarlaukit ᴋillangmit, innemit innigijarnit, idluartomiglo sakᴋêvigikit, innuᴋotitillo issumagijungnaivigikit idluitullininginik illingnut.
Nâlekab Jako annerilaungmago ingminut, Israelelo perᴋotiminut.
Nalegak kina inneᴋarniarᴋâ tuppingne? Kina ᴋaᴋᴋakotingnêtsainaromârᴋâ ivsornaitome?
Uvangale kênet tautugomârpara idluarnerme; kâgungnairomârlungalo tuppagomâruma adseᴋarlunga illingnik.
Ajungitullivionerit nâpkigijaunerillo illagitsainarniarpânga inôsimne tamât, uvangalo Nâlekab iglunganêtuatsainaromârpunga.
Upkoaksuit nerrotosigik, upkoello sillaksoarme pôktosisigik, attannek nâlengnartok itterᴋovlugo!
Pilloridlarput innuᴋattigêksuit Nâlekamik Gûdeᴋartut; innuᴋattigêksuit tâpsoma annerimajangit kingorngutijaminut.
Nâmaksititauvut iglovît perᴋutsaringninginnut akluinartunnut; immerpattillo iklinartoᴋotivît kôksoanganut.
Ikkika tippelukput, marnearlutiglo sillainera pivlugo.
Illitarksileritsetôk Nâlekab idluartitane tassiormagit tattamnadlartomik; Nâlegak tussarpok nipliavigijarangapᴋo.
Tagva tarniga namaksinajarpok orksumut orksulingmullo sorlo, ᴋanneralo kangasinângnut ᴋuviasuktungnut nertordlerajarpok.
Pillorikput iglungne igloᴋartut, tâpkoa nertutsainarpâtit, Sela.
Nakoᴋsititsigama tarninik nukingêrutijunik, nâmaksititsivungalo tarninik sanikterijunik tamainik.
Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.
Sorlo taipsomûna (Kristusikut) anerilaungmatigut, silaᴋsoaᴋ tunganilijauᴋârtinago, ivjornaiᴋovluta pidlaraksauᴋonatalo sângane naglingnerme.
Uvagulle Gûdemik ᴋujalijutigijariaᴋatsainarpapse, Katangutivut, Nâlekab nagligijangit, kiglinganit Gûdib anerilaungmase piulijauᴋovluse, Anernerub ivsornaititsininganut, mikseᴋârnermiglo okpernermut:
Sâlaᴋartok sukkangortitsomavara Gûdima iglungane, tamattomangallo kingorngane anijungnainiarpok. Gûdimalo atinga aglagomavara tâpsomane Jerusalemiblo nutâb atinga, Gûdima iglogasaksoangita ᴋilangmit akᴋartut Gûdimnit, ateralo taimna nutâk.