Imgerut 60:1 - Labrador Inuttitut Heritage Bible

¹ Gude ajâktuilauktotit siamartitsilauktotillo uvaptingnik, ningalauktotillo, ama mannigortigut.

Imgerut 60:1 Iomraidhean Croise

II Samuel 10:16

Hadad-Eserelo tilliklerpok aijautipaillo Siriamiut kôksub akkianêtut, tikkipullo Helamemut, Sobachiblo Hadad-Eserib sorsuktuksaksoaotingita angajoᴋangata sivorlervigivait.

II Samuel 5:20

Davidelo tikkipok Baal-Prazimemut, ullimarpaillo tagvane, oᴋarlunelo: Nalekab omigijikka sivunamne siamartilaukpait sorlo imiksuit suppingmatta. Tamanna pivlugo nuna tamna taijaulaukpok Baal-Prazim.

II Samuel 8:14

Sorsuktuksaniglo pititsivok Edomiut nunanganut, Edomiullo illunamasiatik David nalekpât, Nalekab Davide ikajormago, namut ainingine illunaine.

II Samuel 8:3

Davidib Hadad-Eser, Rehobib erninga Zobamiut attanningat sâlagigiva, ingergarame, pitsartunine aingmilugo, kôngmut Fratemut.

II Atannit 14:7

Edomiterillo ullimârpaittauk nâksame sioraujaktalingme 10,000 dit, iglugasaksuillo Selamik attiggit sâlagivait unatadlarnermut; atserarpaillo Jakteelemik, uvlok tamanna tikkidlugo.

I Kronika 18:3

Hadad Eseretauk, Zobab Hematemêtub attannertanga sâlagigiva ingerarame atanniovine tunganilititsomavlugo kôngme Fratemik atelingme.

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

II Kronika 25:11

Amaziale maksoalerpok, innuᴋotinelo aularutivait naksarmut sioraujalingmut, Seiriblo ᴋittorngangit 10,000 dit ullimarpait.

Imgerut 108:11

Igvit pinniarniangilatit Gûde, ajaktuijotit uvaptingnik, aularlungilatillo Gûde kattimgajoᴋotivut illagilugit?

Imgerut 44:9

Mânnale ajâktorpaptigut, kangusuktitauᴋolutalo, kattimgajoᴋotivullo aularᴋattigingilattit.

Imgerut 59:1

Piulilaunga Gûdîk, ômigijimnit, sappumijarlungalo akkerartortimnit.

Imgerut 59:11

Toᴋᴋotailikit, innuᴋotikka puigorᴋonnagit tamattominga, siamartikille pitsartunernut, ijuᴋartilugillo unnunga, Nâlegak sappulutarijavut.

Imgerut 60:10

Igvit piniarniangilatit Gûde, ajâktuilauktotit uvaptingnik, aulalungitotillo, Gûde, kattimgajoᴋotivut illagilugit?

Imgerut 74:1

Gude sôg ajâktormarikpittigût? ningarnîllo isserluka saugaᴋotitit pairijâttit pivlugit?

Imgerut 79:5

Nâlegak ᴋannok sivitutigijomik ningaromamariᴋît, illungertornîllo ikkomatut ikkoalaᴋojomaviûk?

Imgerut 79:9

Ikajortigut Gûde, ikajortivut atterpît nertornauta pivlugo; piulitigut ajornivullo ullapᴋoserkit attit pivlugo.

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Imgerut 80:3

Gûde mannigortigut, kênailo ᴋaumalerle, tagva nakkoksiniarpogut.

Imgerut 85:4

Mannigortigut, Gûde, piulijivut, saimarveᴋajuinerlo uvaptingnik ipperaruk.

Imgerut 89:19

Taipsomane takkotitjutikut oᴋalaukpotit ivsornaitoᴋotingnut oᴋalutillo: Ikajornermik pititsilaukpunga sôngojomut; annerimajok angijorortipara inugasaksoarnit.

Imgerut 89:3

Anerijara angerᴋattigilaukpara; Davide kivgara angermarilaukpara:

Imgerut 89:38

Mannale mingoalauktat ajaktorpat, egilugolo ningarivat.

Imgerut 89:7

Gûde sivôranadlarpok ivsornaitut kattimaniksangine, opinadlarlunelo illunainut illumajiminut.

Imgerut 90:13

Uvlarârsukut namaksititigut saimarveᴋarnernik, nakorsarungnarᴋovluta ᴋuviasugungnarᴋovlutalo inôtsivut nâlugit.

Saggaria 10:6

Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.

I Samuel 13:11

Samuele oᴋarpok: Sunamik pinniarlauᴋît? Saul kiovok: Takkolaukpunga, innugatsuit siamartermatta uvamnit, igvillo ᴋailaunginavit nalliutome oᴋautaumajome, Filisterillo kattimangmatta Michmaseme.

I Samuel 4:17

Tagva unipkautjijok kiovok oᴋarlunelo: Israelitit Filisterit ᴋemâlaukpait, sorsungnekalaukporlo angijoksoarmik inugatsoarne, ernikiglo Hofni Pinehaselo toᴋᴋovuk; tamanna tappilugo Gudib iklervinga aksarnigarijauvok.