Imgerut 56:8 - Labrador Inuttitut Heritage Bible

⁸ ᴋemânera kittilauruk, ᴋugvikka pôlerkit pôᴋotingnut. Ila aglaᴋotingne aglaksimavut.

Imgerut 56:8 Iomraidhean Croise

II Atannit 20:5

Utterit, Hiskialo inuᴋotima atanningat oᴋautiuk: Imâk Nâlegak atâtavit Davidib Gûdinga oᴋarpok: Tuksiarnit tussarlaukpara, kugvitillo takkolaukpakka. Ahâk, pijungnaititsomavagit; uvlut pingajuane majorarlutit takpaungalârpotit Nâlekab iglunganut;

Hiobe 16:20

Ilannârijakka mittauteᴋartôvut uvamnik; ijigale kugviorpok Gûdemut.

Imgerut 121:8

Nâlekab anninît sapputivâ itternîllo mannamit issoᴋangitomut.

Imgerut 139:16

Ijikpit takkolaukpânga sannajauᴋârtinanga sulle; uvlullo illûnaita aglaksimalaukput aglaᴋotingne pijuksaulauktut sulle, tâpkoale nalliat pilaungitok sulle.

Imgerut 39:12

Nâlegak tuksiarnera tussalauruk, ᴋaigarsungneralo timerolauruk; niplingitailigit ᴋugvinimnut; ingergajôgama illingne, tujormijangôlungalo atâtagijaptut illunaititut.

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Jeremia 18:23

Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Mâlaki 3:16

Tagva Nâlekamik sivôrajut oᴋaᴋatigêlerput: Nâlegarlo nâlakpoᴋ tusarlunelo, aglaillo erᴋaumajutiksat aglaktauvut tâpsoma sângane, Nâlekamik sivôrajut pivlugit, attinganiglo erᴋaijut pivlugit.

Mattêuse 10:30

Niaᴋupse nujangille kititaumavut.

II Korintemiunut 11:26

Ingergalauᴋpunga unuktunik: nangianartomêlauᴋpunga kôksoarne, nangianartomêlauᴋpunga inuartune, nangianartomêlauᴋpunga inuᴋatimne (Jûdine), nangianartomêlauᴋpunga nelojune, nangianartomêlauᴋpunga iglogasangne, nangianartomêlauᴋpunga inuᴋajuitome, nangianartomêlauᴋpunga imarbingme, nangianartomêlauᴋpunga ᴋatangutine nelangaitune.

Ebrêerinut 11:13

Okperlutik taipkoa ilûnatik toᴋovut, angerutigijaumajut piginagit; ungasiktomille takolauᴋpait ᴋolarnagillo ᴋuviasûtigivlugillo; kigligiksarputtauᴋ tujormiangonermingnik takorngartaunermingniglo nuname.

Ebrêerinut 11:38

Silaᴋsûb inungita nelopᴋotijutigijaksarilauᴋtangit, arvertalauᴋput siorniorlutik inuᴋajuitune ᴋaᴋᴋanelo, nunablo ᴋongnângine ᴋairosunginelo.

Ebrêerinut 11:8

Okpernermut Abraha nâlelauᴋpoᴋ nunamut kingormgutijaksariniartaminut aularᴋojaulerame: aularpoᴋ namut ainermik nelogalloardlune.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 7:17

Saugârsûb iksivautaksûb ᴋerᴋanêtub pairiniarmagit, tessiorlugillo imiub ômanartub puilavinginut, Gûdiblo ᴋugviornerit tamaita allarterniarpait ijinginit.

I Samuel 19:18

Davidele ᴋemâvok, annigoilunelo, tikkiporlo Samuelemut Ramamêtomut, oᴋautivâlo tamainik Saulib pinniarlauktanginik tapsomunga. Samuelelo aularᴋattigiva, Najotemêtuarlutiglo.

I Samuel 27:1

Davidele omattimine issumalerpok; Uvlut illangane pinniarpunga Saulib agganginut; namanersaᴋalungilak uvamnut, ᴋemâniarnimnit Filisterit nunanganut, Saule nippotjiᴋovlugo uvamnik, ᴋennerungnainiarlungalo Israelib kiglilervingine tamaine; tagva annigoiniarpunga agganginit.