Imgerut 53:6 - Labrador Inuttitut Heritage Bible

⁶ ᴋannoktôk ikajortiksamik tikkitoᴋarle Zionemit Israelitinnut, Nâlekablo innuᴋotine parngnairsortât piuliligit! Tagva Jako ᴋuviasugajarpok, Israelelo serridlarajarpok.

Imgerut 53:6 Iomraidhean Croise

Esra 3:11

Imgerpullo Nalegak nertorlugo ᴋujagilugolo, pitsiarmat, napkoarningalo sorainiangmat Israelemut. Innugasaksuillo illunatik nipliadlarput Nalegak nertorlugo Nalekab iglungata tungavia illijaumangmat.

Nehemia 12:43

Uvlormelo taipsomane tunnergutit unnuktut tunnijauvut, ᴋuviasulaukpullo; Gûdib ᴋuviasungneᴋartilaungmagit angijomik, arnallo sorrutsillo ᴋuviasulaukputtauk, Jerusalemiullo ᴋuviasungningat tussartaulaukpok ᴋaningitomit.

Hiobe 42:10

Nâlekablo Hiobib pallangairsortaumaninga mumikpâ ilannârijane tuksiutingmagit. Nâlekablo Hiobe tunnitsivigivâ maggoertordlutik unuktigijunik pigilauktanginnit.

Imgerut 14:7

ᴋannoktôk ikajortiksamik tikkitoᴋarle Zionemit Israelitinnut, Nâlekablo innuᴋotine parngnanairsortat piuliligit! Tagva Jako ᴋuviasugajarpok, Israelelo serridlarajarpok.

Imgerut 50:2

Zionemit, ânanaumaringniojomit, Gûde keblidlarnermik ᴋaulerᴋojivok.

Imgerut 85:1

Nalegak nunaᴋotit saimarvigilaukpet, parngnanairsortaumajullo Jakokut piulilaukpâttit.

Salomob Okâl 28:1

Gûdeᴋangitok ᴋemâvok unangmiklertoᴋanginingane; idluartorle sivôrajuipok, Loeveârsutut.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 14:32

Kanorlo innugasaᴋsuit tillijangit kiojomârᴋagît? Imâk: Nâlekab Zione tunganelivâ, tagvanelo sapputjauviksaᴋaromârput inuᴋotingita ajulertoᴋotingit.

Jeremia 30:18

Imâk oᴋarpoᴋ Nâlagaᴋ: Ahâk, Jâkob tuppingit aularutijaujut utertitsomârpakka, innigijangillo nâpkigijomârpakka; iglugasaksuillo ᴋarmaᴋalârput ᴋaᴋᴋârulangmingne, igloᴋsoarlo takojaujomârpok innigilauᴋtamine.

Jeremia 31:23

Imâk oᴋarpoᴋ Nâlagaᴋ Zebaot, Israêlib Gudinga: Oᴋautsit makkoa oᴋauserijomârivait Judab nunangane iglugasaksoanginalo, aularutijaunermit utertigupkit: Nâlakab saimarsarlitit, inniksaujotit idluarnermik, ᴋaᴋᴋaujotit ivsornaitoᴋ.

Joel 3:1

Ahâk, uvlune tâpkonane, neliutomelo tâpsomane, Jûdab Jerusalemiblo aularutijaujungit utertikupkit,

Leviticus 26:17

Kênaralo allartilârpara ilipsingnit, annaulertaujomârposelo ômigijipse sângine: ômigijise ataniojomârput ilipsingnut, ᴋemâjomârposelo udlataungikaloartiluse.

Leviticus 26:36

Amiakojullo ilipsingnit ômateᴋartitsomârpakka ᴋoaksângajunik ômigijimik nunangane; napârtûblo milukatangata tiktaujûb ᴋikergalijarningata ᴋemâtilârpait; ᴋemâjomârpullo ᴋemâjutitut saviksoarmit; pâlalârpullo udlataungikaloarlutik kimut.

Amos 9:14

Inuᴋotimalo Israêlikut aularutijaujungit utertitsomârpakka, iglolioromârpullo iglugasaksoarnik asserortaumajunik, inigilugillo; perorsêvilioromârpullo vaineliksatalingnik, vainingalo imerlugo; perorsêvilioromârpullo, paungangillo nerrilugit.