Imgerut 53:2 - Labrador Inuttitut Heritage Bible

² Gûdib ᴋillangmit Inuit ᴋittorngangit takkonârpait, takkojomavlune kina sillatomangât Gûdelo apperᴋutigingmangâgo.

Imgerut 53:2 Iomraidhean Croise

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

II Kronika 19:3

Ajungitomigle nachvartoᴋalauralloarpok illingne, nappartut Gudingoaggit pêjarlaurangne nunamit, omattillo torartilaurangne Gude ᴋennerlugo.

Hiobe 28:28

Oᴋarlunelo inungnut: Ahâk, sivôranek Gûdemik, tamanna ilisimaniovok; attortailinerlo idluitomik, tamanna sillatuniovok.

Imgerut 10:4

Gûdeᴋangitok issumamine piojorijome (oᴋarpok): apperᴋutigingilâ; illuserlungnermine tamaine Gûde sunaunginasugivâ?

Imgerut 102:19

Tâmna takkosarmat ᴋotsiktonerminit ivsornaitomit; Nâlegak takkonârpok ᴋillangmit nunamut;

Imgerut 11:4

Nâlegak Tempeleᴋotiminêpok ivsornaitome; Nâlekab iksivautanga ᴋillangmêpok; ijigik tautukpuk, ijingminullo nautsertorpait Inuit ᴋittorngangit.

Imgerut 111:10

Sivôranek Nâlekamik pigiarneôvok illissimanermut; tamanna sillatutsiarniôvok, taimailiorlune pijub, tâpsoma nertortauninga îtsainarpok issoᴋangitomut.

Imgerut 27:8

Omattima oᴋausernik erᴋaitipâtit: Kênara ᴋenneraksarivasse. Tamanna pivlugo uvangatauk, Nâlegâk kênait, ᴋennerpara.

Jesaiase 55:6

Nâlekamik ᴋennileritse, nagvârtaujungnarmat, nipliavigisiuk ᴋannidlarmat!

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 23:24

Inuk ijertorviksarsijungnarᴋâ uvanga takonianginapkô? oᴋarpoᴋ Nâlagaᴋ. Nâjimalungilangâ ᴋilangmik nunamiglô? oᴋarpoᴋ Nâlagaᴋ.

Deuteronomy 4:6

Taimaimat ivlerisigik piniarlugillo; tamanna ilisimanerigapsiuk silatunerilugolo inôᴋatigêksuit takkoane, tusalârtut maligaksauᴋojaujunik makkoninga tamainik, oᴋarniarlutiglo; Inôᴋatigêksuit tâpkoa ilisimadlarlutiglo silatudlartoksôvut.