Imgerut 51:14 - Labrador Inuttitut Heritage Bible

¹⁴ Piulilaunga akkiliksaᴋarnermit aungmik, Gûde, Gûdigijagit, piulijigijagillo, oᴋara idluarnernik nakorsarᴋovlugo.

Imgerut 51:14 Iomraidhean Croise

Genesis 42:22

Rubeniblo kiovait oᴋarlune: Oᴋarvigilaungilapsê, oᴋarlunga: Idluituliniarase nukapiamut? kissiane nâlagomangilase. Sunaubva, aunga akkilertaulerpoᴋ.

Genesis 9:6

Nalliat inub aunganik kovisijoᴋ, tâpsoma aungatauᴋ inungmut kovijaujuksauvoᴋ; Gûdib inuk sanangmago ingminik adsilivlune.

II Samuel 12:9

Sôgle tagva Nalekab oᴋausingit nachogilaukpigit, idluitoâlungmik taimaitomik pinniaravit tapsoma ijikita sângangne? Uria Hetitere ullimarlaukpat saviksoarmut; nullianga tigulaukpat nulliarilugo, taimnale toᴋᴋolaukpat Ammonib ᴋittorngangita saviksoangagut.

II Samuel 21:1

Davidib nalliuningane kângnartoᴋalaurivoktauk Jarine tuglerêne pingasune. Davidiblo Nalekab kênanga ᴋennerpa. Nalegarlo oᴋarpok: Saule pivlugo, iglolo aulik pivlugo Gibeonemiut toᴋᴋolaungmagit.

II Samuel 3:28

Davide tamattominga kingorngane tussarame, oᴋarpok: Passijaksaungilanga attaniovigalo Nalekab sângane soraijuitomik, Abnerib Nerib erningata aunga pivlugo;

Esra 9:13

Tamakkoalo tamaita tikkitautigijapta, pinniarniâluvut, passijaksaudlarnivullo pivlugit, kingorngane, igvit Gudivut pitlarnikinersarilaukpaptigut pijuksauniptingnit idluitullinivut pitjutigellugit, piulijauneᴋartilaukpaptigullo, sorlo mana imat.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Imgerut 25:5

Tassiunga mikseᴋârnerne, ajochertorlungalo; igvit Gûdiôgavit tâmna, ikajorte uvamnik; uvlut tamaita nerriugivagit.

Imgerut 26:9

Tarniga idluitullijut illagilugit pêjarᴋassiutiniarnago, innôseralonêt aungmik pinasuartut illagilugit.

Imgerut 35:28

Oᴋamalo idluarnît oᴋautigijaksariva, nakorijaksarivâtillo uvlut tamaita.

Imgerut 38:22

Errinesugit illilertoromavlunga, Nâlegak ikajortiga!

Imgerut 55:23

Igvillo Gûde ijuᴋartitsomârpâttit ittersâlungmut. Auruktut nallangaitullo inôtsimik ᴋetterarningit angujomângilait; uvangale tattigivagit.

Imgerut 68:20

Gûdeᴋarpogut ikajortemik, Nâlegaᴋarlutalo Nâlekamik, piuliklertemik toᴋᴋomit.

Imgerut 88:1

Nalegak Gûde; piulijiga, nipliadlarpunga sângne, uvlotillugo unnuamelo:

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 45:17

Israêlele piulijaujomârpoᴋ Nâlekamut, piulijauviksaᴋartitauvlune issoᴋarniangitomik. Kangusuktitauniatsangilase mittautauniatsanaselo nâksaungitomut aglât.

Hesekiel 33:8

Idluitomut oᴋaruma: Idluitotit toᴋojuksauvotit, igvillo oᴋangikuvit idluitulijoᴋ alingisâromavlugo apᴋotiminit; idluitoᴋ tâmna toᴋolârpoᴋ idluinermine, aungale akkilertauᴋojomârpara aggangnut.

Daniel 9:16

Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Habakûb 3:18

Sule Nâlegaᴋ ᴋuviagijomavara, Gûdelo piulijiga serrijûtigijomavlugo.

Apostelit Piniarningit 18:6

Akkerartormattale mitauteᴋarlarmiglo, annorâne aulatidlarlugit oᴋautivait: Ause niaᴋupsingnut pile, uvanga pasijaksaungilanga; mânamit pasijaksaunanga nalojunut ainiarpunga.

Apostelit Piniarningit 20:26

Tamanna pivlugo uvlome kigligiksarvigivapse, pasitiksaᴋanginama ilûnapse ause pitjutigilugo,

Rômiunut 10:3

Idluarneᴋ nâmagijaujoᴋ Gûdeme illitaringinamitsuk, idluarsinasuarlarmiglo nangminermingnik, idluarnerlo nâmagijaujoᴋ Gûdeme taimâk nâlalungilât.