Imgerut 51:1 - Labrador Inuttitut Heritage Bible

¹ Gudik saimarviginga pitsiarnît malliklugo, tappanikkalo pêjarkit napkiningnît angijoksoak malliklugo!

Imgerut 51:1 Iomraidhean Croise

II Samuel 11:2

Pijoᴋalaukporlo Davide unnub nalliuningane makkilerame innangavingminit, pissuklunelo attanniub iglungata ᴋângane, ᴋânganillo takkova arnak ubvartok ingminik, arnarlo tamna taututsiarilaukpok.

Nehemia 4:5

Idluitulliningit ulliktaililugit pît, ajorningillo pêjarniarnagit sângne; sanajut ningaksarlaungmattigik.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 106:7

Atâtagilauktapta Egipteneme tattamnartullinitit tukkisijomalaungilait; pitsiarnersoarnît erᴋalaungilât, tappatôlaukpullo imarbingme, imarbingme iviktalingme suvlulingnik.

Imgerut 109:21

Igville Nâlegak, Nâlegak, aiparilaunga, attit pivlugo; saimaveᴋarnît manigornerigapᴋo piulilaunga.

Imgerut 119:124

Kivgait pinniarvigiuk saimarviᴋarnît malliklugo, ajochertorlaungalo idluarijarnik.

Imgerut 145:9

Nâlegak pitsiarpok illûnainut, piniartanelo tamaita nâpkigivait.

Imgerut 4:1

Tussalaunga nipliaraiguma, Gûdik, idluarutigijara, mannigoijotit uvamnik kappiaktoajarangama; saimavigilaunga, tussalaulutillo tuksiarnimnik!

Imgerut 40:11

Igville Nâlegak napkiningnît noᴋᴋartitailiuk uvamnut; saimarveᴋarnivît mikseᴋârnivîllo sapputitsainarlinga.

Imgerut 5:7

Uvangale iglungnut itteromavunga pitsiartoksônît pivlugo, tuksiaromalungalo Tempeleᴋotit ivsornaitok sângalugo sivuranerme illingnik.

Imgerut 51:9

Kênait ijilauruk ajornimnit, idluitullinikkalo illunaita pêjarkit.

Imgerut 69:13

Uvangale tuksiarpunga, Nâlegak illingnut nalliutome ᴋuvianartome; Gûde pitsiatoksonît pivlugo tussalaunga ikajornernut nertornartomut.

Imgerut 69:16

Tussalaunga Nâlegak, pitsiarnît mannigornarmat; sâviginga nâpkiningnersoarnît malliklugo.

Imgerut 77:9

Gûdib saimarviᴋarnek puigoromavauk nâpkiningninelo ningarlune parngnanairᴋaûk? Sêla.

Jesaiase 43:25

Uvanga, uvanga idluinitit pêjarpakka uvanga pivlunga, idluitullinitillo issumagijungnairpakka.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jesaiase 63:15

Takosâlaurittôᴋ mãna ᴋilangmit, takonâlaurittôᴋ iglungnit ivsornaitoᴋsoarmit pinarnartomillo! Illungertornit pitsartunillo nanẽᴋâk? Illuvit illapsugosungninga nâpkigosungnillo saᴋᴋijâlungilak uvamnut.

Jesaiase 63:7

Erᴋaumajomadlarpakka Nâlekab saimarsainingit Nâlekablo nertornautingit, idluarmattut Nâlekab piniarnerijangit pivlugit uvaptingnut, pitsiarnersoangalo, Israêlikkunut saᴋᴋijârtitanga nâpkigosumut saimanermullo angijoᴋsoamut.

Jeremia 18:23

Igville, Nâlagaᴋ, ᴋaujimatsiarpotit kajusinerijanginik tamainik pivlunga toᴋotsomavlunga; idluituliningit issumagijungnainiarnagittôᴋ, piungituliningillo pêjarniarnagit saᴋᴋarnit; oggotitaulille sângne; piniarvigikillo ningaluarnivît naliuningane.

Jeremiab Ogguarutigijangit 3:32

Kiksartitsigaloarame, ilapsugosudlarniarpok nâpkigosungnime unuktoᴋsôningit maliklugit.

Daniel 9:18

Gudiga, siutît manilauruk tusarlutillo; ijikik uitikik, takolutillo assirotaumaniptingnik iglugasaksoarniglo attinut taijaumajunik; ᴋinuniptingnik ᴋaitsigapta sângnut idluarnivut pivlugo-ungitoᴋ nâpkigosungnilli angijoᴋsoaᴋ maliklugo.

Daniel 9:9

Nâlekab Gudipta nâpkiningniᴋ issumagijungnainingnilo pigivâk; uvagulli tâpsomunga oᴋautsarêdlarpogut;

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

Kolossamiunut 2:14

Aglaillo pivluta pijut iluserᴋortoᴋojijut, uvaptingnik erᴋartuijut atorungnaitilugit pêjalaukpait, saningajolingmut kikiaktoramigit.