Imgerut 50:7 - Labrador Inuttitut Heritage Bible

⁷ Inuᴋotikka nâlagitse, uvanga oᴋaromavunga; Israelitiôjose, uvanga kigligiudsivigijomavapse; uvanga Gûdeôjunga Gûdigivapsinga.

Imgerut 50:7 Iomraidhean Croise

I Atannit 18:39

Inugasaksuillo tamânna takkogamitsuk, pamakterput oᴋarlutiglo: Nâlegak Gûdeôvok, Nâlegak Gûdeôvok!

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

II Kronika 28:5

Tagva Nalekab Gudingata tunniva Siriamut attanningata agganginut; tapᴋoalo ullimarpât, anguvaillo innuᴋotinginit unnuktut, parngnanairsortauvlutiglo aularutivait Damaskusemut. Israelitillo attanningata agganginut tunnijaulaurivok, tapsomalo salagijauneᴋartipa angijomik.

Imgerut 49:1

Nalagitse inuᴋattigêksoangôjose illunase;

Imgerut 81:8

Okokse innuᴋotikka, akᴋonapsingne kigligiudsijomavunga; Israelitiôjose ᴋanoktôk nâleksinga!

Imgerut 81:9

Akᴋonapsingne Gûdeᴋartuksaungilak assianik, Gûdelo takkorngartak tuksiarvigijaksaringilasse.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Jesaiase 1:18

Tagva ᴋaititse erᴋartortigêklutalo, Nâlegaᴋ oᴋarpoᴋ: Idluinise aupaluktotut-igalloarmatta, aputitut ᴋaᴋorsititaujomârput; aupaloriktotut aupalugalloarmatta, saukab merᴋungititut-itsomârput.

Jeremia 2:9

Tamanna pivlugo kajungersârasuaromavapse sulle, ᴋitorngapselo ᴋitorngangit kajungersârasuaromagivakka.

Hesekiel 20:5

Oᴋautikillo: Imâk oᴋarpoᴋ Nâlegaᴋ Nâlegaujoᴋ: Uvlorme ipsomane Israêle annerilaurapko, aggakkalo ᴋolangiutitigapkit Jakokut kinguvânginut, ᴋaujijautilauramalo tâpkonunga nuname Egipteneme, aggakka ᴋolangiutitigapkit tâpkonunga, oᴋarlunga: Uvangauvunga Nâlegaᴋ Gudise;

Hesekiel 20:7

Oᴋautivakkalo: Ilûnase atunit ijipse maᴋojungnartulijutigijangit egisigik, ivsornartiniaraselo nangminipsingnik Egiptenemiut gudingoanginut; uvangauvunga Nâlegaᴋ Gudise.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.