6 Killaillo idluarninga oᴋautiginiarpât; Gûde erᴋartuijôngmat. Sêla.
Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?
Gûde idluarsaijôngmat, ôminga miklilertitsijok, ipsomingalo angijorortitsijok.
Killaillo Nâlegak tattamnartullinitit nertoromârpait, mikseᴋârnîllo ivsornaitut illagêngninginne.
Nâlegak illitarijauvok, idluarnermik sakᴋêmat. Gûdeᴋangitok illakutjauvok aggame pinniarninginnut. Higgajon, Sêla.
ᴋillait idluarninga oᴋautigivât, inuᴋattigêksuillo illûnatik opinarninga takᴋovât.
Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.
Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.
Ilûnata saᴋᴋijartuksaugapta Kristûsib erᴋartuiviksangata sângane, ilûnata atunit akkiniartaulerᴋovluta iliorniptingnik timeme inôtiluta, ajungitomiglônêt ajortomiglônêt.
Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.