Imgerut 50:3 - Labrador Inuttitut Heritage Bible

³ Gûdivut aggerpok nippangertaililunelo; ikkoma nerridlartok sivurlerivâ, sillarnerluksublo ᴋaivalarpâ.

Imgerut 50:3 Iomraidhean Croise

Imgerut 48:14

Gûde tâmna Gûdigitsainaraptigo issoᴋangitomut: tâpsoma tassiorpâtigut toᴋᴋo tikkidlugo.

Imgerut 50:21

Taimailiorpotit, uvangalo niplingilanga; tagva illiktuninasugivarma. Kissianele pitlaromavagit, pititsomavara ijikpît sângangnut.

Imgerut 68:20

Gûdeᴋarpogut ikajortemik, Nâlegaᴋarlutalo Nâlekamik, piuliklertemik toᴋᴋomit.

Imgerut 83:1

Gude nippangerniarnaktôk, niplingitaililutillo taimak; Gûde inilanganiarnak taimak.

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Exodus 19:18

ᴋakᴋarle Sinai ilûnnane iserludlarpok, Nâlekab akᴋarvigingmago ikomakut; iserlungalo ᴋongmuarpok sorlo ikomaksoaᴋarviksûb iserlungatut, ᴋakᴋarlo ilûnnane sajukpiludlarpoᴋ angijomik.

Jesaiase 35:4

Oᴋautisigik õmatimikkut kappiasuktut: Maksoatitse sivoraniaraselo! Ahâk, Gûdise tikkilerpoᴋ akkilêjartorlune Gûdib akkiliutânik. Tikkilerpoᴋ piulijomavluse.

Hesekiel 1:4

Takosarpungalo, ahâglo, aᴋᴋunaᴋsoaᴋ sôngojoᴋ saᴋᴋerpoᴋ avangat, nuvujaᴋsôvlune, ikomaliksoaᴋ ingminut ᴋaivitsainartoᴋ ilagilugo, ᴋebleridlartoᴋ avatâne ilûnâne, ᴋerᴋânillo sorlo ᴋaᴋorleᴋ ᴋingarnartoᴋ ikomab ᴋerᴋânit.

Daniel 7:10

Sânganit aularluni kôk ikomainaujoᴋ kôkpoᴋ; tausendit tausenditorlugit kivgartorpât, 10tausendillo 10tausenditorlugit nangiput sângani; iᴋartuivik pigiarpoᴋ, aglaillo makpitauvut.

Leviticus 10:2

Ikomalo anivok Nâlekab sânganit tâpkoalo nungulugik, toᴋovuglo Nâlekab sângane.

Habakûb 3:5

Nusilingnartoᴋ ingergavoᴋ sivorngane, aumallo anivut itigangita atânit.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Numbers 16:35

Ikomalo anivoᴋ Nâlekamit, nungutsilunelo angutinik ipkoninga 250nik tunergusertunik isserluanerutiksanik.

Mattêuse 3:12

Tâpsoma ipsortûtine tigumiarpâ; ᴋematulivingme natinga sanneromârpâ, ᴋakᴋôjaksatsiallo ᴋematulivingminut katitsomârpait; piungitulle ôtsomârpait ikomamut ᴋamisuitomut.

Deuteronomy 9:3

ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Ebrêerinut 12:29

Gûdivut ikomaungmat nungutsijoᴋsoaᴋ.

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

Takotitaunermik 22:20

Kigligiutsijok tamakkoninga oᴋarpok: Âhamarik, mânakasakut ᴋainiarpunga. Amen ilâ, ᴋailaurittôᴋ Nâlegak Jêsuse!