Imgerut 48:10 - Labrador Inuttitut Heritage Bible

¹⁰ Gûde sorlo attertut, taimaktauk nertornarnît tôkpok sillaksub issuanut; tallerpît tattapok idluarnermik.

Imgerut 48:10 Iomraidhean Croise

I Kronika 16:14

Tamna Nalegauvok Gûdivut, erᴋartuivok silaksoarme ilûnâne.

Imgerut 11:7

Nâlegak idluarmat, idluarnerlo ᴋuviagivâ, kênangata idluitailijut takkonârpait.

Imgerut 113:3

Seᴋᴋerngub nuininganit nippininga tikkidlugo Nâlekab attinga nertortaule!

Imgerut 145:17

Nâlegak idluarpok apᴋotimine tamaine, ivsornailunelo pinniarnermine tamaine.

Imgerut 45:7

Idluarnek ivlerivat, illuserlungnerillo ômigivâttit; tamanna pivlugo Gûdib, Gûdivit mingoarlaukpâtit ᴋuviasungnerub orksutânut, piluartomik illangnit.

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Mâlaki 1:11

Tagva seᴋerngûb nuivianit nipivia tikidlugo attera angijôniarpoᴋ nelojut akorngane; ininelo tamaine tipigiksaivut attera pivlugo, nerᴋiksaniglo tunerguserput ivsornaitunik; attera angijôdlarmat nelojut akorngane, oᴋarpoᴋ Nâlegaᴋ Zebaot.

Mâlaki 1:14

Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.

Deuteronomy 28:58

Kamatsiaromangikuvit perᴋojat tamakkoa oᴋausertangit tamaita aglangne makkonane aglaksimajut piniaromavlugit, ilerasuᴋovlutit attermik ominga ânanaudlartomik ileranartomiglo, NALEKAMIK GÛDINGNIK.

Josua 7:9

Kanaaniterillo nunamiullo illunatik tamattominga tussarunik, illuniarpâtigut, attivullo pejarniarpait nunamit. Sunamiglo pinniaromavît atterne angijome?

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 19:2

Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.