Imgerut 45:13 - Labrador Inuttitut Heritage Bible

¹³ Attanniub pannia ânanaudlarmarikpok illuane; annorângit pinarnarsijauvut aglaksaijânnut Goldeojunnut;

Imgerut 45:13 Iomraidhean Croise

I Atannit 5:15

Salomolo anguteᴋuteᴋalaukpok 70,000 dinik akjarsijunik, 80,000 diniglo ullimarniktunik ᴋakᴋame;

Imgerusersoak 7:1

Ananaudlarmek pissungnît ittiggagutine, igvit attanniub panninga. Makkitîkpît kotsinâgik mattarêkutitut îpuk illissimajub aggangita sannajangititut.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Mattêuse 5:16

Taimâktauk nannergoase ᴋaumatisiuk inungnut, ajungitulinipsingnik takoᴋovlugit, Atâtase ᴋilangmêtok nakorijauᴋovlugo.

Lukase 11:40

Silaitose, silatânik sanalauktub, ilua sanalaungilaûk?

Rômiunut 13:14

Nâlegarle Jêsuse Kristuse atiniarsiuk, timelo pairisiuk ikliguktailitilugole.

Rômiunut 2:29

Ilumigulle pijoᴋ, Jûdiovoᴋ; ômatiblo kipimaninga kipimaniovoᴋ anernikut pijoᴋ, aglatuinartigut pinane; tâpsoma nertornautâ inungnit pingilaᴋ Gûdemille.

Rômiunut 3:22

Idluarsinerle Gûdeme atortoᴋ, okpernermit Jêsuse Kristusemut pijoᴋ oᴋautigivara, tamainut piksaᴋ, ilûnatiglo okpertut pigijaksangat.

II Korintemiunut 5:17

Taimaimat, Kristûsemêtoᴋarpat, tâmna nutângortitauvoᴋ; pitoᴋaᴋ itsungnairpoᴋ, ilûnane nutângorsimavoᴋ.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

Takotitaunermik 3:18

Perᴋovagit tagva, goldemik ikomamut sujungaititaumajomik pisiniarᴋovlutit uvamnit, akluilerᴋovlutit, ᴋaᴋortaniglo annorânik atitilutit, annorâᴋanginivît kangunarninga sakᴋerᴋonago, ijîkiglo mingoakik ijisiumut, tautoᴋovlutit.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.