Imgerut 44:2 - Labrador Inuttitut Heritage Bible

² Aggangnut nallojut aulartilaukpâttit, taipkoale ineᴋartilaukpâttit; innuᴋattigêksuit asserorlaukpâttit, taipkoale siamartilaukpâttit.

Imgerut 44:2 Iomraidhean Croise

II Samuel 23:12

Tagva tamna nangeriartorpok perorsêviub ᴋerᴋânut, piulilalo, annaulerlaitalo Filisterit, Gudelo sâlakarnermik angijomik tunnijilaukpok.

II Samuel 7:10

Uvangalo innuᴋotikka Israelitit inneᴋartitsomavakka, illijomavakkalo, tagvane nunaᴋarᴋovlugit, tamarnartovingmelo agvertarungnaiᴋovlugit, kassênerublo ᴋittorngangit tetjarungnaiᴋovlugit tapkoninga sivurnganetut.

Imgerut 105:44

Tunitsivigivaillo nallojut nunanginnik; innuᴋattigêksuit perᴋutingit nangmineliutilugit piᴋovlugit.

Imgerut 78:55

Aulartilaukpait, tâpkoa sivurngane innuᴋattigêksuillo kingormgutijaᴋartilugillo imeraut malliklugo, taipkoalo iglunginne Israelib kinguvârêngit inneᴋarᴋovait.

Exodus 10:2

Igvillo unipkârungnarᴋovlutit ernivit erngutavillo siutinginut piniarnernik piniarnerijamnik Egipteneme, nalunaikutaliarimajamniglo tâpkoa akorngane; ᴋaujimarᴋovluse uvangaugama Nâlegak.

Exodus 15:17

Tikiutititaksarivatit inneᴋartilugillo ᴋakᴋame kingormgutijarne, inneme inniliarimajarne innigijomavlugo, ivlernartovingme, Nâlegak, aggakpit atuinarutisimajangane.

Exodus 15:19

Faraub horseᴋotinga aingmat imarbingmut, ᴋamutingit aksaloalit unatautit, horsenelo ikimajungit ilagivlugit, Nâlekablo imarbiub imangit tikiutitilerivait tâpkonunga; Israêlikulle ingergavut panertokut imarbiub ᴋerᴋagut.

Exodus 23:28

Igupsaksuillo tilijomavakka sivunerne, tâpkoa Heviterit, Kânaaniterillo, Hetiterillo ᴋemâtilârpait sivunernit.

Exodus 34:11

Perᴋojakka ilingnut uvlome naipertutsiarkit: Ahâk, sivunerne ᴋemâtitsomavakka Amoriterit, Kânaaniterillo, Hetiterillo, Perisiterillo, Heviterillo, Jebusiterillo.

Jesaiase 51:9

Tupalerit, tupalerit, pitsartunermik attilaurit, Nâlekab tallinga igvit! Tupalerit sivornganetut, sôrlo itsaᴋsoaᴋ inôlauᴋtut akkornganne! Igviungilatît pingijaitomik sâlaᴋartoᴋ, ômajoâlungmik toᴋotsijoᴋ?

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Numbers 13:32

Nunalo nautsertoriartorvigijangat oᴋautigiludlarpât Israêlikunut, oᴋarlutik: Nuna ingergarvigilauᴋtavut nautsertoromavlugo, nunauvoᴋ apᴋalajoᴋ inungminik, inuillo takojavut tagvane ilûnatik inôvat angijut.

Deuteronomy 32:7

Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

Deuteronomy 4:38

Inôᴋatigêksuit angerᴋijatit pitsarᴋijatillo ᴋemâtitsomavlugit sivunernit, itertitsomavlutit, tâpkoa nunangat kingormgutijaksautitsomavlugo ilingnut, sorlo uvlome ingmat.

Deuteronomy 7:1

Nalekab Gûdivît tikiutikpatit nunamut aivigijarnut pigijaksarnut, nunaᴋatigêksuillo unuktut ajaktorpagit sivunerne, Hitikut, Girgasekullo, Amorikullo, Kanaanekullo, Perizikullo, Hivikullo, Jebusekullo, inôᴋatigêksuit sevenit, anginersaujut pitsartunersaujullo ilingnit;

Josua 10:11

Israelitillo ᴋemângmagit attersarlutik apᴋome Bet-Horonemut, Nalekab kattagvioᴋovait ᴋillangmit nattarᴋonâlungnik Aseka tikkilugo, toᴋᴋolerᴋovlugit. Unuktunniglo toᴋᴋotaujoᴋarnersaulaukpok nattarᴋonâlungnut Israelib ᴋittorngangita toᴋᴋolauktanginit saviksoarmut.

Josua 10:42

Attanillo tapkoa, nunangit illaliudlugit salagivait attautsekut; Nalegak Israelib Gudinga sorsungmat Israelitit pivlugit.

Josua 11:23

Taimak Josuab nuna illunât aksarnigariva, taimamarik sorlo Nalekab Mosese oᴋautilaungmago, tunnivalo Israelitinut kingormgutijaksauvlune tapkonunga, kinguvarêt illunatik attunit ikkupianganik. Nunamelo unnatadlarnaᴋarungnailaukpok.

Josua 21:43

Taimak Nalekab Israelitit tunnitsivigilaukpait nunamik illunânik, angermarijutigilauktaminik atatagijanginut tunnijijomavlune, aksarnigarilaukpâllo innigilugolo.

Josua 24:12

Igupsaksuillo tillilaukpakka sivunipsigut, tapkoa aulartilaukpait sivunipsigut, Amoriterit attannigik, saviksoapsingnuungitok pitiksipsingnuungitorlonêt.

Josua 3:10

Oᴋarlunelo: Tamattomangat tukkisilertuksauvose omartomik Gudeᴋarmat akkonapsingne; aulartitsiniarmallo sivunapsigut Kanaaniterinnik, Hethiterinnik, Heviterinnik, Feresiterinnik, Girgasiterinnik, Amoriterinnik, Jebusiterinniglo.

Idluarsaijut 6:13

Gideonible oᴋautiva: Nâlegâk, Nâlekab ilagikpattigut, sôgle tagva tamakkoninga tamainik pilaukita? Naneᴋâllo tattamnartulliningit tamaita atâtagijapta unipkautigilauktangit uvaptingnut, oᴋarlauklutiglo: Nâlekab Egiptenemit tasiorlaukpâtigut? Mannâle Nâlekab ᴋemalaukpâtigut, tunilutalo Midianiterit agganginut.