Imgerut 42:2 - Labrador Inuttitut Heritage Bible

² Tarniga ᴋêlerpok Gûdemut, Gûdemut ômatsainartomut. Kakkugo tagvunga tikkitsomârᴋik Gûdib kênangata sângane saᴋᴋijârlunga perᴋovlunga?

Imgerut 42:2 Iomraidhean Croise

Hiobe 23:3

ᴋanoktôk ᴋaujinajarlanga, ᴋanok nachvârungnarmangâpko, tikkitsungnarlungalo iksivautanganut;

Imgerut 27:4

Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Imgerut 43:4

Itterᴋovlunga Gûdib Altareᴋotinganut, Gûdemut, ᴋuviasutigijamnut, serrijutigijamnullo, ᴋujagilutillo Harfinik attorlunga, Gûde, Gudik,

Imgerut 63:1

Gude, igvit Gûdigivagit; uvlârârsukut ᴋenneromavagit; tarnima kêniarvigivâtit, uviningma ᴋêmitigvigivâtit nuname ipterilingajome, pannertomelo immeᴋangitome.

Imgerut 63:3

Saimarveᴋarnît namanersaungmat innôtsemit. Kangasinângma nakorijomadlarpâtit.

Imgerut 84:10

Uvlok attausek iglorosingnêdlune namanersaungmat uvlunnit assinginit tausendinnit. Upkuamik udsertorteôjomangârpunga. Gûdima iglungane, akkunît inneᴋarnermit Gûdeᴋangitut iglunginne.

Imgerut 84:2

Tarnima Nâlekab iglorusingit tussugivait, kêmitigvigilugillo; timimalo tarnimalo Gûde ômatsainartok igiaᴋomijarvigivâk.

Imgerut 84:4

Pillorikput iglungne igloᴋartut, tâpkoa nertutsainarpâtit, Sela.

Imgerut 84:7

Arvertarput pitsartunermit pitsartunermut, illûnatik attunît saᴋᴋerᴋâratik Gûbib sângane Zioneme.

Exodus 23:17

Pingasuertorlutik jâreme angutitit ilûnnatik sakᴋijârtuksauvut Nâlekab Gûdib sângane.

Jesaiase 26:8

Illa, Nâlegaᴋ, erᴋartuijartoralloaruvit, nerriugivaptigit; atternut erᴋaumajauviksarnullo tarnivut kajungerpoᴋ.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Daniel 6:26

Piᴋojivunga ataniovingma nunangini tamaini inuit sajuktuksaungmatta sivôralutiglo Danielib Gudingata sângani; tâmna Gudeongmat ômajoᴋ, itsainartoᴋ issoᴋangitomut, ataniovingalo assirojuitôvoᴋ, nâligauningalo naggatiᴋarniatsangilaᴋ;

Johannese 5:26

Sôrlo Atâta inôseᴋarmat ingmine, taimâktauk Ernine tunitjivigivâ inôseᴋarᴋovlugo ingmine.

Johannese 7:37

Uvloᴋsiorviuble tamattoma uvlungita kingorlerpângane, ᴋuvianernerpângane, Jêsuse nikovipok, nipliarlunelo oᴋarpok: Imeruktoᴋarpat, ᴋailerle uvamnut, imerlunelo!

I Tessalônikamiunut 1:9

Nangmineᴋ taipkoa oᴋautigingmase, ᴋanoᴋ angitigijomik nâlekaptigut; ᴋanorlo Gûdemut sâgiarapse, tunudlugit Gûdeungitut, kivgartoromavlugo Gûde ômajoᴋ mikseᴋârtorlo;

Josua 3:10

Oᴋarlunelo: Tamattomangat tukkisilertuksauvose omartomik Gudeᴋarmat akkonapsingne; aulartitsiniarmallo sivunapsigut Kanaaniterinnik, Hethiterinnik, Heviterinnik, Feresiterinnik, Girgasiterinnik, Amoriterinnik, Jebusiterinniglo.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.