Imgerut 40:5 - Labrador Inuttitut Heritage Bible

⁵ Nâlegak Gudîk tattamnartullinitit issumattillo saᴋᴋertattit uvaptingnut unnuktôvut; illiktut îtoᴋangilak: akpautigijomavakka, oᴋautigijomalugillo; kittiksaungilelle.

Imgerut 40:5 Iomraidhean Croise

Hiobe 26:14

Ahâk, tamadsa apᴋosiningita illangit; oᴋautsemiglo mikkijoârsutuinarmik tussalaukpogut tamattomangat ila! Kiale pitsartuningata kallungninga tukkisijungnarᴋaûk?

Hiobe 5:9

Angijunik pinniartok, nautsertortaujungnangitunik, tattamnartuniglo kittiksaungitunik.

Hiobe 9:10

Tâpsoma pinniarnersuit pinniarpait nautsertortaujungnangitut, tattamnartullinerillo kittitaujungnangitut unnumut.

Imgerut 136:4

Tattamnartullidlartotôjok; pitsiarninga îtsainarmat issoᴋangitomut.

Imgerut 139:6

Illitarksinek tamattominga tattaminiarnaluarpok innornarlunelo uvamnut, ipaksijungnangilara.

Imgerut 71:15

Kanerma idluarnît oᴋautigijaksarivâ, uvlut tamaita piuliklernît; kittitsungnangitakka.

Imgerut 73:28

Tamanale ᴋuviasutigivara, Gûde ungagilugo pigama, sungertuteᴋarlungalo Nâlekamik Nâlekamik piniarnitit tamaita oᴋautigilugit.

Imgerut 92:5

Nâlegak pinniarnitit ila angijôvaksôvut! issumattit ᴋannok ittijôksovlutik!

Exodus 11:8

Makkoalo kivgatit ilûnnatik atersarvigilârpânga pâmaktervigivlungalo, oᴋarlutik: Anigit, inuillo ilûnnatik maliktut ilingnik: kingornganelo anilârpunga. Anivorlo Faraomit ningaumajâdlarlune.

Exodus 15:11

Kina Gûdit akorngane iliktut-ikâ, Nâlegak? Kina iliktut-ikâ, inornadlarlune ivsornainerme, sivôranadlarlune nertoraksauvlune, tatamnartulivlunelo?

Jeremia 29:11

Uvanga nalunginakpit issumat pivluse issumagijakka, oᴋarpoᴋ Nâlagaᴋ, issumat ulapirᴋsautelit, idluitôlungitullo, mattoma kingorngane tunitjivigijomavluse nerriungnermik.