Imgerut 36:9 - Labrador Inuttitut Heritage Bible

⁹ Inôtsib puailavinga illingnêmat; ᴋaumasernelo ᴋaumasek takkovavut.

Imgerut 36:9 Iomraidhean Croise

Hiobe 29:3

ᴋaumautinga ᴋaumalauktillugo niaᴋorma ᴋollâne, uvangalo tâpsoma ᴋaumaningane agvertartilûnga tâktome!

Imgerut 27:1

Nalegak ᴋaumanerivara piulijaunerilugolo, kina erksigijaksarivigô? Inôtsima Nâlegak pitsartutigivâ, kina ᴋêungomivigijaksarivigô?

Imgerut 65:5

Kappianarlutit idluarnerme, kiojomavaptigut, Gûde piulijaujutiksavut, sungertutiksaujotit nunaksub issunginnut ᴋanningitunnut tamainut, imarbiksoarmullo.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 12:3

Kuviasukluse imeᴋtariaromârpose puilavingmit piulijaunartomit.

Jesaiase 2:5

Attê, Jâkokkut, arvertarta Nâlekab ᴋaumarningane!

Jesaiase 60:19

Seᴋineᴋ ᴋaumautigijungnairomârpat uvlôtillugo, taᴋᴋerlo ᴋaumajungnairomârpoᴋ ᴋaumaksarlutit, Nâlegarle ᴋaumautigijomârpat issoᴋangitomut, Gûdillo nertornautigijomârpat.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

Johannese 4:14

Imermigle tunergusiarijaminik uvamnut imerniartok imerungniarungnairpok issoᴋangitomut; imerle tuniniartara tâpsomunga iluane puilavioniarpok imermik, inôtsemut nungusuitomut puilajomik.

Johannese 8:12

Tagva Jêsusib oᴋarvigigivait oᴋarlunelo: Silaᴋsoarmiut ᴋaumanerivânga; uvamnik maliktok tâᴋtome arvertarniangilak, ᴋaumajorle inôgutaujok piginiarpâ.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:17

Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.