Imgerut 36:6 - Labrador Inuttitut Heritage Bible

⁶ Idluarnît Gûdib ᴋaᴋᴋangititut îpok, idluarsainitillo ingergarnertut angijoksoatut îput. Nâlegak igvit ikajorpotit tamangnik; innungnik, ômajuniglo.

Imgerut 36:6 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 37:23

“Ajugaᴋangitorle nachvârungnangilavut, angijoksoarmik pitsartunelik; tâpsoma idluarnine illiorninelo idluartok akkiniarutiginiangilak.

Hiobe 7:20

Idluitullilauruma: sunamik piniarvigijungnarpagît, udsertorteôjotit inungnik? Sôg apporviksangortipinga illingnut, oᴋumaijutiksaulungalo nangminimnut?

Imgerut 145:9

Nâlegak pitsiarpok illûnainut, piniartanelo tamaita nâpkigivait.

Imgerut 147:9

Omajunnik nerᴋiᴋsaᴋartitsijok, tullugarᴋanik nipliajunnik tâpsomunga.

Imgerut 31:20

Igvit ijertorpâttit sagvangitome illingne, Inuit aklunânginnit, ullikpâttit tupperme oᴋannit aivagosuktunnit.

Imgerut 71:19

Gûde idluarnît pôktovok, pinniarnersoarnik piniartotit. Gûde kia adsigivâtît?

Imgerut 77:19

Apᴋut imarbingmêlaukpok apᴋosinîllo imaksoarne, sullele ittikkatit mallugijaulaungilat.

Imgerut 92:5

Nâlegak pinniarnitit ila angijôvaksôvut! issumattit ᴋannok ittijôksovlutik!

Imgerut 97:2

Nuvujat, târniublo illumavât idluarnerlo idluarsainerlo iksivautavît aulajuijutigivak.

Exodus 9:28

Tuksialeritik Nâlekamut, Gûdib kallidlartitsininga nattarᴋonâluillo sorairᴋovlugit; tagva aularᴋojomavapse tamânêrᴋojomairluse.

Jesaiase 40:28

Kaujimangilasê, tussalungilasê, Nâlegaᴋ Gûdeongmat issoᴋangitoᴋ, sillaᴋsûb kiglinginik pingortitsijoᴋ? Merngortoranelo nukkeᴋarungnailungilaᴋ, sillatuninga inornarpoᴋ.

Jesaiase 45:19

Sagvangitome oᴋalungilanga, nunab inningine târtune; Jâkob kinguvânginut oᴋalungitunga: Kennersinga sullinase! Uvanga Nâlegaujunga idluartunik oᴋauseᴋarpunga, nallâgôrtunik nallunaijaivunga.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremiab Ogguarutigijangit 3:23

Uvlât tamaita nutaulerput; nelâgôrnît angijôdlarpok.

Jona 4:11

Uvangalo iglugasaksuit tâpkoa, Ninive, ilapjugijaksaringilakkâ, inuᴋtaᴋartut ununersanik 120,000nit, ᴋaujimangitunik talerpingmingnik saumingmingnit, nergjutetaliksuillotaûᴋ?

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!

Rômiunut 3:25

Tâmna Gûdib saᴋᴋertilauᴋpâ saimauservioᴋovlugo okpernermut tâpsoma aunganut, idluarneᴋ sâmine nâmagijaujoᴋ nalonairomavlugo, issumagijungnairamigit ajornerit sivorngagut pilauktut, Gûde ᴋenuêsertortilugo;

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

I Timôteusemut 4:10

Tamattomunga torârtitsivluta sananasuaraptatauk, mitautigijaulaptalo, Gûde ômajok tatigigaptigo, inuit ilûnatik piulijingat anginersamigle okpertut.

I Samuel 14:15

Tangmarvingmêtullo natername, tangmarviublo innuksoangit illunamasiatik erksinermut tikkitauvut, kattimgajoksuillo aularlauktut sunatuinarmut ᴋoaksarputtauk, taimak nuna sajukpilangmat; ᴋoaksarniôlaungmat Gudemit pijomik.