Imgerut 30:12 - Labrador Inuttitut Heritage Bible

¹² Opigosungnera nertordlerlune imgervigilutit perᴋovlugo, nippangerᴋonagolo. Nâlegak Gûdiga, ᴋujagijomavagit issoᴋangitomut.

Imgerut 30:12 Iomraidhean Croise

Genesis 49:6

Kaggimiolerangamik, tarniga tagvanêrᴋolungitara; katimalerangamik, ivlernartoᴋutiga (tarne) illaurᴋolungitara; ningarlutik inuarmanik, ᴋuksalailutik tuktuvait illakungortimattikik.

Ester 8:16

Jûdit ᴋaumauteᴋalaukput, ᴋuviasûteᴋalarmiglo, Erᴋiertorneᴋalutiglo, nertortauneᴋalaukpullo.

Ester 9:22

Uvluktitut Jûdit ullapirsautiksarsivingititut omigijimingnit, takᴋertullo kappiasungningita ablatsângortitauvingatut ᴋuviasungnermut, kiksarningitalo ablatsangortitauvingatut uvlunut ajungitunut; uvlûk tapkoa uvloksioraksaringmattikik uvlûktitut nerrimârtitsinermut ᴋuviasungnermullo pajuktigêngnermullo aitûsianik pajungningnermullo aklujunut illingajûktut.

Imgerut 145:2

Uvlut tamaita nertoromavagit, attillo nakoritsainarlugo sorairnanga issoᴋangitomut.

Imgerut 16:9

Tamanna pivlugo ômattiga ᴋuviasukpok, annerneralo, opinarneralo (tarniga) serridlarpuk; uvinigalotauk ussornarnartome inneᴋaromârpok.

Imgerut 44:8

Uvlut tamaita Gûde nertordlerutigijomavavut, attillo ᴋujagijomavavut issoᴋangitomut, Sêla.

Imgerut 57:8

Tuppalerit nertornarnîk; tuppaleritik Psaltere Harfelo! Uvlarârsukut tuppagomavunga.

Imgerut 71:14

Uvangale nerriutsainaromavunga, nertortaunîllo tamât angijorortitsomavara.

Imgerut 71:23

Kangasinâka igiaᴋomijarpûk nipliajorvigigupkit, tarnigalo piulilauktat.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Lukase 19:40

Kiovlune oᴋautivait: Oᴋaupapse, ukkua nipangerpatta, tagva ujarᴋat niplerniarput.

Apostelit Piniarningit 4:20

Takojavut tusartavullo oᴋautiginagit saperpoguk.

Takotitaunermik 7:12

Oᴋarlutiglo: Amen, nakorijaunerlo, nâlengnarnerlo, silatunerlo, ᴋujanarnerlo, nertornarnerlo, pitsartunerlo, ajugaᴋanginerlo Gûdipta pigiligit issoᴋangitomit issoᴋangitomut. Amen.