Imgerut 30:11 - Labrador Inuttitut Heritage Bible

¹¹ Tagva ârusungnera ablatsângortilaukpat okigêsernermut, annorâka pôksaijangojut pêjarpâttit uvamnit, tapserusijuteᴋartilungalo ᴋuviasungnermik;

Imgerut 30:11 Iomraidhean Croise

Genesis 37:35

Erningitalo panningitalo ilûnatik manigoriartoralloarpât, kissiane manigortaujomangilaᴋ, oᴋarlune: Ogguarlunga ernimnik kannungarniarpunga toᴋungajut ininganut! Atâtangatalo ᴋeavâ.

Genesis 45:28

Oᴋarporlo Israêle: Nâmaksivoᴋ! Ernera, Josefe sulle inôvoᴋ; takojartoromavara toᴋolerᴋârnanga.

II Samuel 6:14

Davidelo illungertorlune okigêserpok Nalekab sivurngane, tapserusersimalaukporlo ulliksoarmik sâtomik.

II Kronika 20:12

Gudivut, erᴋartoromangipigit? Uvaptingne pitsartuneᴋangimat unnuktoksuit taipkoa opaluktivut akkerartorungnarlugit. Nallovogut ᴋannok pinniaraksaptingnik, ijiptale torarvigivâtit.

II Kronika 20:3

Tagva Josafate sivuravok, kênanelo torartipa Nalegak ᴋenneromavlugo, nerritailineᴋarᴋojivorlo Judakune illunaine.

II Kronika 20:9

Tikkitauleraikupta ᴋannoêtomut, saviksoarmut, pitlartaunermut, nusilingnartomut, ᴋângnartomullonet, tagva nangeriartoromavogut iglub oma sânganut, sângnullo, (attit iglub oma illuanêmat,) nipliarvigijomavaptigillo kappiagijavut pitjutigellugo, igvillo tussarniarpotit, ikajorniarlutillo.

Nehemia 8:10

Tamânna pivlugo oᴋautivait: Aileritse nerriluselo orksulingmik, immerluselo mamaktomik; pajungniluselo aitusiamik âᴋiksoilaungitunut ingmingnut; uvlok tamânna ivsornaitôngmat Nâlegaptingnut; tamânna pivlugo issumajarniarase, ᴋuviasungnek Nâlekamik pitsartutigigapsiuk.

Ester 9:22

Uvluktitut Jûdit ullapirsautiksarsivingititut omigijimingnit, takᴋertullo kappiasungningita ablatsângortitauvingatut ᴋuviasungnermut, kiksarningitalo ablatsangortitauvingatut uvlunut ajungitunut; uvlûk tapkoa uvloksioraksaringmattikik uvlûktitut nerrimârtitsinermut ᴋuviasungnermullo pajuktigêngnermullo aitûsianik pajungningnermullo aklujunut illingajûktut.

Imgerut 149:3

Attinga nertoraksarivât okigêserlutik; ᴋillautinut, Harfinnullo nipliajorvigijaksarivât.

Imgerut 150:4

Nertorsiuk ᴋillausijarnermut, okigêsernermullo; nertorsiuk noakseralisijarnermut, nipsausijarnermullo;

Imgerut 27:7

Nâlegâk, nippiga tussaruk, nipliaraiguma; saimarviginga tussarlungalo.

Imgerut 30:5

Ningarninga ijib sikkungilarningatut attautsetut annikitigijôngmat, inûtsiarningale innôtsib sivitôningatut akkunertigijôvok; unnungme ᴋugviorneᴋarpok, uvlârmele ᴋuviasungneᴋarpok.

Imgerut 4:7

Igvit ômattiga ᴋuviasuktipet, ipkoa Weineᴋadlaralloarmatta, ᴋaᴋᴋôjaksaᴋadlaralloarlutiglo.

Okaluktok 3:4

ᴋugviornek, ijornek nelliuneᴋarpok; ârusungnek, okigêsernek nelliuneᴋarpok.

Jesaiase 25:3

Tamanna pivlugo nunaᴋatigêksuit pitsartudlartut opigivâtit, nallojut erᴋsinartut iglugasaksoangita sivoragivâtit.

Jesaiase 25:8

Toᴋo nungutitsomârpâ issoᴋangitomut, Nâlekablo Gûdib allarteromârpait ᴋugvit kênarnit tamainit, inuᴋotimelo nachonautingat pêjaromârpâ nunane tamaine, Nâlegaᴋ taimak oᴋarmat.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jeremia 31:4

Attauk, sananiarpagit pijarêrsimaniarpotillo tagva, uigasôjotit Israêle; ᴋillausijarlutit pinnarnarsititaujomârivotit, anijuksauvotillo ᴋuviasuklutillo oᴋigêsertut ilagilugit.

Jeremia 52:33

Annorângillo parngnanairsimaviksiutit assetârpait, nerriᴋatigitsainarpâlo inôsinga nâvlugo.

Lukase 15:22

Atâtangale kivgaminut oᴋarpok: Annorâk pinnarnarnerpâk ᴋaisiuk, atitisiuglo, aggangillo ᴋeterdlermingmik pitatsersigik, atitilugolo itigâlungnik.

Johannese 16:20

Âhamarik, âhamarik oᴋaupapse: ᴋialuselo ogguarniarpose silaksoarmiulle ᴋuviasudlarniarput. Ilipsele kiksadlarniarpose; kiksarnisele ablatsângorniarivok ᴋuviasungnermut.

Takotitaunermik 21:4

Kugviornerillo tamaita Gûdib allarterniarpait ijinginit, toᴋolo itsungnairpok, kiksarnermiglônêt, niplianermiglônêt, ânianarnermiglônêt pijokarungnainiarpok; sivorliojut itsungnairmatta.