Imgerut 29:4 - Labrador Inuttitut Heritage Bible

⁴ Nâlekab nippinga ingergavok pitsartolune, Nâlekab nippinga ingergavok ânanaudlarlune.

Imgerut 29:4 Iomraidhean Croise

Imgerut 33:9

Tâmnale sumik oᴋarpât taimailerpok tâva; perᴋojikpat innerpok tâva.

Imgerut 68:33

Tâmna ingergajok ᴋillait ᴋillangita ᴋângine pigiarnermit. Ahâk kallungne aularᴋoniarpâ, pitsartunerub kallunga.

Imgerut 68:34

Gûde pitsartuneᴋarle. Tâpsoma ânanauninga Israelib kanganêpok, pitsartuningalo nuvujanêpok.

Imgerut 93:4

Imarbiksub malliksoangit sôngonersauvut imaksuit nippalâdlarninginnit, Nâlegarle ᴋotsiktomêtok sôngonersauvok sulle.

Jesaiase 30:30

Nâlekablo nippine nâlengnartoᴋ tussaksautitsomârpâ, takkuksautillugolo talline issamijoᴋ ᴋanningaumajârnikut ikkomablo nungutitsijub ikkoaladlarningagut kallukullo sillaluksoakullo nattarᴋonnatigullo.

Jesaiase 66:6

Nipliajoᴋarpoᴋ pervalâjomik iglugasaksoarnit, nipliajoᴋarpoᴋ kattimaviksoarmit, Nâlegaᴋ nipliavoᴋ, ômigijiminik akkiniartoᴋ.

Hesekiel 10:5

Kerubillo isarungita suluksungit tusaksauvut avaluliorsimajoᴋ silardleᴋ tikidlugo, sorlo Gudib ajugaᴋangitoᴋsôjub nippinga oᴋarmat.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Lukase 4:36

Ilûnamatsiatiglo erᴋsilerput, oᴋaᴋatigêklutiglo, oᴋarpullo: Suna unâ? Anernerit maᴋojungnartut sôngodlarlune pitsartudlarlunelo perᴋungmagit, nâlekpât anilarmiglo.

Lukase 8:25

Oᴋautivaille: Okpernise naûk? Tâpkoale erᴋsidlarput, tataminiarlarmiglo ingmingnut oᴋarput: Kina unâ? Inertermagik, anorib imablo nâlekpâk.