Imgerut 29:3 - Labrador Inuttitut Heritage Bible

³ Nâlekab nippinga imaksuit ᴋângine ingergavok; Gûde opinartok ᴋallerpok, Nâlegak imaksuit ᴋângine.

Imgerut 29:3 Iomraidhean Croise

Hiobe 36:33

“Nallojungnaitipait ᴋuviagijaminik, nergjutit pivlugit, ilâ perortut pivlugit aglât.”

Hiobe 40:9

“Talleᴋarkît Gûdetut nippemullo taimailuatsiartomut Kallerungnarᴋît, sôrlo tâmna piniarmat?

Imgerut 104:3

Igvit igloᴋotitit kattigoliungatipattit imermut; igvit nuvujat aksalloaligivâttit; agvertarpotit annorib esarungita ᴋângine.

Exodus 19:16

Sunaubvalo, uvlut pingajuane uvlâkut kalluit ᴋaumalaillo, nuvujarlo isortak ᴋakᴋamêpok, tiptulautiblo nipinga niperᴋortudlartok; inuillo ilûnnatik tangmârvingmêtut sajudlarput.

Exodus 9:28

Tuksialeritik Nâlekamut, Gûdib kallidlartitsininga nattarᴋonâluillo sorairᴋovlugit; tagva aularᴋojomavapse tamânêrᴋojomairluse.

Exodus 9:33

Tagva Mosese Faraomit anivok iglugasaksoarnillo, agganelo isangmagit Nâlekamut kallerungnairpok nattarᴋonarungnairlunelo, silaluglo katagungnairpok nunamut.

Johannese 12:29

Tagva inuit nangerdlutik nâlektut oᴋarput: Kallilerpoᴋ. Asingit oᴋarput: Engelib oᴋaᴋatigivâ.

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Takotitaunermik 11:19

Gûdiblo Tempelinga ᴋilangme upkuêrtaulerpok, Testamentingatalo iklervinga takuksauvok Tempelingane, ᴋaumalaᴋarporlo, nippersoakalarmelo, kallidlarlarmelo, nuna sajukpiludlarlarmelo, nettaᴋonadlarlarmelo.

Takotitaunermik 16:18

Nippersoakarporlo, kallidlarlunelo, ᴋaumalaklunelo, angijomiglo nuna sajukpilâdlarpok neleᴋangitomik; nunab inuᴋalerninganit taimak angitigijomik nuna sajukpilâdlalauksimangilak.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 4:5

Iksivautaᴋsoarmillo anivut ᴋaumalaglo kalluglo nippillo; nennergutillo 7 it ilomalit ikoalavut iksivautaᴋsûb sângane, tamadja Gûdib Anerningit 7 it.

Takotitaunermik 8:5

Engeliblo iluleᴋut iserluanititsivik tiguvâ, ilulerlugolo ikomamik Altâremit, nâvidlugolo nunamut. Nippersoakarpok tagva, kallungmiglo ᴋaumalangmiglo, nunablo sajukpilâdlarninganik.

I Samuel 7:10

Samuelelo tunnergutiksamik ôtaksamik tunnijitillugo, Filisterit tikkilerput Israelitit sorsugvigijomavlugit. Nalegarle kalluᴋarᴋojivok kalluksoarmik Filisterit ᴋollâne uvlorme taipsomane, ᴋoaksartipaillo, sâlagijauᴋovlugit Israelitinut.