Imgerut 28:7 - Labrador Inuttitut Heritage Bible

⁷ Nâlegak pitsartutigivara, sappulutarilugolo; ômattima tâmna tattigiva, ikajortaumalungalo; ômattigalo ᴋuviasukpok; kutsaservigijomavaralo imgerumut.

Imgerut 28:7 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Imgerut 13:5

Tattigivarale saimaveᴋarosudlaravit; ômattima ikajornit ᴋuviagivâ; Nâlegak imgervigijomavara, taimak ajungitullivigingmanga.

Imgerut 19:14

ᴋannerma oᴋausingit, ômattimalo unipkausingit ᴋuviagijaulît sângne, Nâlegâk, torᴋorviksaᴋautigijara, piulijigalo.

Imgerut 21:1

Nalegak, attanek ᴋuviasukpok pitsartunerne, ila angijomik serridlarpok ikajornît pivlugo!

Imgerut 22:4

Atâtagijapta tattigilaukpâtit, tatteᴋartillugillo ikajorlaukpâttit.

Imgerut 28:8

Nâlegak pitsartutigivât; pitsartuniôvok mingoartanganik ikajortok.

Imgerut 3:3

Igville Nâlegak sappulutaksauvotit uvamnut, nâlengnartitsijok uvamnik, niakumniglo kagvertitsijok.

Imgerut 3:4

Nippimnut Nâlegak nipliavigivara, tâpsomalo tussarpânga ᴋaᴋᴋaminit ivsornaitomit. Sêla.

Imgerut 33:21

Omattipta ᴋuviasutigingmatsuk, attingalo ajungitok tattigivavut.

Imgerut 37:39

Idluartullo tikkitauvut ikajornermut Nâlekamit; tâmna kappianartome pitsartutigivât.

Imgerut 40:3

Imgerusertâmiglo tunnitsivigilaukpânga ᴋannimnut Gûdivut nertorlugo. Unnuktut tamanna takkojomârpât Nâlegarlo sivuragijomârpât nerriugilugolo.

Imgerut 43:2

Igvit Gûdeôgavit pitsartutigijara; sôg ajâktorpingâ? Sôg taimak kiksarlunga arvertariaᴋarᴋîk ômigijima tattikpânga?

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Imgerut 46:2

Tamanna pivlugo nangiarlungilagut, sillaksoak nungunajaralloarpât, ᴋaᴋᴋello kivigalloarpâtta imarbiub ᴋerᴋanut.

Imgerut 69:30

Gûdib attinga nertoromavara imgerumut, angijomiglo opigijomavara ᴋujalinermut.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Imgerut 91:4

Esarungminut ullingniarpâtit, sungertutigijallo esarungita attânêniarpok, mikseᴋârninga serngnigiksauvok; sappulutaksaulunelo.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 45:24

Oᴋartuksauvullo pivlunga: Nâlekame kissiane idluarsainermik pitsartunermiglo pitaᴋarpoᴋ. Tâpsomungalo tikkitsomârput, illũnatiglo tâpsominga ômisuktut kangusuktitaksauvut.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Efêsusemiunut 6:10

Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;