Imgerut 27:4 - Labrador Inuttitut Heritage Bible

⁴ Attausek ᴋennuarivara Nâlekamit, pijomadlartara; Nâlekab iglunganêtsainarungnarᴋovlunga, Nâlekab innerᴋonarninga tautuklugo, Tempeleᴋotingalo ᴋemergolugo.

Imgerut 27:4 Iomraidhean Croise

II Samuel 21:1

Davidib nalliuningane kângnartoᴋalaurivoktauk Jarine tuglerêne pingasune. Davidiblo Nalekab kênanga ᴋennerpa. Nalegarlo oᴋarpok: Saule pivlugo, iglolo aulik pivlugo Gibeonemiut toᴋᴋolaungmagit.

Imgerut 23:6

Ajungitullivionerit nâpkigijaunerillo illagitsainarniarpânga inôsimne tamât, uvangalo Nâlekab iglunganêtuatsainaromârpunga.

Imgerut 26:6

Aggakka ubvarpakka passijaksaunginerme; Altareᴋotillo, Nâlegâk, ungagivara;

Imgerut 26:8

Nâlegak iglovit ininga ivlerivara, innelo opinarnivît najugâ.

Imgerut 27:8

Omattima oᴋausernik erᴋaitipâtit: Kênara ᴋenneraksarivasse. Tamanna pivlugo uvangatauk, Nâlegâk kênait, ᴋennerpara.

Imgerut 50:2

Zionemit, ânanaumaringniojomit, Gûde keblidlarnermik ᴋaulerᴋojivok.

Imgerut 65:4

Pilloridlarpok igvit annerijet, inneᴋarᴋojello iglorusingne. Namaksijautitigut iglovît, Tempeleᴋotivît perᴋutinginut.

Imgerut 84:10

Uvlok attausek iglorosingnêdlune namanersaungmat uvlunnit assinginit tausendinnit. Upkuamik udsertorteôjomangârpunga. Gûdima iglungane, akkunît inneᴋarnermit Gûdeᴋangitut iglunginne.

Imgerut 84:4

Pillorikput iglungne igloᴋartut, tâpkoa nertutsainarpâtit, Sela.

Jeremia 29:13

Keneromârpapsingalo nagvârniarlungalo, ômatipsingnut ilûnânut ᴋeneromârupsinga.

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Mattêuse 6:33

Gûdib nâlegauvinga idluarningalo pinasuarᴋârsigik, tagva tunitjivioniarpose tamakkoninga tamainik.

Lukase 10:42

Atauserle pijarialik. Marîab ajunginersak anerilaukpâ, tâpsominga aᴋsârtauniatsangilak.

Lukase 13:24

Ilungertoritse, itervikitoᴋut iterniarᴋovluse; oᴋaupapse: unuktut pinasuarniarput iteromavlutik, iterungnarniaratiglo.

Lukase 18:1

Adsiujomigle oᴋautivait, soraijuitomik tuksiariaᴋarnivut pitjutigilugo, inertuinata.

Lukase 2:37

Mânale uigarniojok jâreᴋalerdlune 84 nik, katimavingmit nûlungimariktok, tuksiarnermullo nerritailinermullo Gûde kivgartorpâ uvlullo unnuallo tamaita.

II Korintemiunut 3:18

Ilûnatale kênaptigut tâlutaᴋangitogut, sôrlo tachartôtikut Nâlekab pinnarnarninga tautukpavut, ablatsângortitaulerlutalo adsigilugo, pinnarnartomit piluta pinnarnartomut, Nâlekamit Anerniojomit (taimaititauvluta).

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Filippimiunut 3:13

Katangutikka, issumangilanga nangminimnik tigumajarêrapko. Atautsemigle oᴋarpunga: Tunumnêtut piugorpakka, sivunimnêtulle issagutigivlugit.

I Timôteusemut 5:5

Tâmnale uigarniovok idluartok, inutôgune, Gûdemik tattetuaᴋarune, sorairanelo ᴋenuvlune tuksiarlunelo uvlôtilugo unnuamelo.

Ebrêerinut 11:6

Okperneᴋangitunele Gûdemut ᴋuviagijauneᴋ ajornavikpoᴋ; Gûdemut tikitsomajoᴋ Gûdeᴋartomik okpertuksauvoᴋ, ᴋenertiminut akkiniarteojomik.

I Samuel 1:11

Pinniaromajaminiglo angerpok, oᴋarlunelo: Nalegak Zebaot, kivgavit ᴋannoêninga taikkunârniarungne, issumaginiarumga, kivgallo puigorniangikungne, kivgallo ernermik tunnitsiviginiarungne, tagva Nalekamut tunnijomavara innôsinga nâlugo, pijoᴋartuksaungilarlo kipsautingnik niaᴋunganut.

I Samuel 22:10

Taipsoma Nalegak apperilaukpa pivlugo, tunnitsivigilâlo nerᴋiksanik, Goliathiblo Filistereôjub saviksoanganik.

I Samuel 30:8

Davidib Nalegak appertsorpa, oᴋarlunelo: Sorsuktuksat udlajaksarivakka, anguniarpakkalo? Oᴋarpok: Udlakit, anguniarpattit, piuliklerniarlutillo.