Imgerut 25:3 - Labrador Inuttitut Heritage Bible

³ Illunatik illingnik nerriuktut kangusuktitaungimatta, kangusuktitaujariaᴋarpulle pitjuteᴋaratik nertornangitomik piniartut.

Imgerut 25:3 Iomraidhean Croise

Genesis 49:13

Sebulone nunaᴋartuksauvoᴋ imarbiksûb sikjangane, umiaᴋsuit kissarviane; kiglinga attavoᴋ Sidonemut.

I Kronika 10:13

Taimâk Saule toᴋovok, idluitullinine pivlugit, Nalekamut idluitullijutigilauktane, Nalekab oᴋausinginut, nâlaktaulaungitunut tapsomunga; taimaglotauk angakut apperingmagit.

Imgerut 109:3

Illumavânga oᴋautsinnut ômisungnelingnut, akkerartorpângalo pitjuteᴋaratik.

Imgerut 119:78

Piojorijut saglonernut okkungatitikka kangusuktitaulît; uvangale pinniartauᴋojattit oᴋautigivakka.

Imgerut 123:2

Ahâk, sorlo kivgat angutit ijingita angajôᴋamik aggangit kamagingmagit, sorlolo kivgat arnat angajoᴋâmik aggangit kamagingmagit: taimak ijivut Nâlekamut Gûdiptingnut takkonârput saimarviᴋaᴋârtinago uvaptingnik.

Imgerut 132:18

Omigijingit kangusuktitaunermik annorâromavakka; tâpsomale ᴋângane niaᴋotâ nuvugolârtârtuksauvok.

Imgerut 22:6

Uvangale pâmgortôvunga, inônangalo, mittautiksauvunga innungnut, nachogijaksaulungalo innugasaksoarnut.

Imgerut 27:14

Nâlegak nerriugiuk; maksoalerit, tâpsomalo ômattit pitsartutiliuk, Nâlegarlo nerriugiuk.

Imgerut 31:17

Nâlegâk, kangusuktitauᴋoniarnanga nipliavigigapkit; Gûdeᴋangitut kangusuktitaujariaᴋarput, oᴋausiksêrotitaujuksaulutiglo kappianartovingmut.

Imgerut 31:18

Kannît nallangaitut nippangertuksauvut, iktoriktaidlutik pimariuterlutiglo mittauteᴋarlutiglo idluartok akkerartorlugo oᴋauseᴋartut.

Imgerut 33:20

Tarnipta Nâlegak nerriugivât, tâmna ikajortigivavut, sappulutarilugolo.

Imgerut 35:26

Kangusulerlît, kangusuktitaulillo illunaita ᴋanoênimnik ᴋuviasuteᴋartut; kangusuktitaunermik kangunartomiglo anorartitaulît angutauservigijikka!

Imgerut 37:34

Nâlegak nerriugiuk, apᴋosiningalo attutsainarlugo pît, tagva kagvertiniarpâtit, nunamik kingormgujerᴋovlutit; takkojomârpotit Gûdeᴋangitut pêjartauninginnik.

Imgerut 6:10

Omigijikka ilunamasiatik kangusulârput, ᴋoaksâdlarlârlutiglo; niverlârput, kangusulârlutiglo tagvainak.

Imgerut 62:1

Tarniga innilangavlune uttakkivok Gûdemik; tâpsomangat ikajortaunera pivok.

Imgerut 62:5

Tarnîk, innilangalutit Gûdemik uttakkituinarit; nerriungnera tâpsomangat pingmat.

Imgerut 69:4

Pitjuteᴋaratik illuluktut ômisuktut uvamnik, tâpkoa unnurnersauvut nutjânit pigijamnit niaᴋumne. Sullinatik ômisuktut uvamnik asseroijullo, pitsartojoksôvut. Akkilêjariaᴋarpunga aksârnerilaungitamnik.

Imgerut 69:6

Nerriuktut illingnik kangusuktitauᴋoniarnagit uvamne, Nâlegak, Nâlegak Zêbaot; kangusumut aupalerᴋoniarnagit uvamne, ᴋennertut illingnik, Israelib Gûdinganik.

Imgerut 71:13

Kangusuglît nungutaulîllo tarnimnik akkerartortut; kangusuktitaunermut mittautaunermullo imusertaulît, ᴋanoênimnik ᴋennertut.

Jesaiase 25:9

Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!

Jesaiase 40:31

Kissianele Nâlekamik tatteᴋartut pitsartunermik nutâmik tunitjiviovut, nektoraliktitut tingilerput esaromingnut, akpangerput nukkeᴋarungnaitsanatik, arvertarput merngortorungnaratik.

Jesaiase 49:23

Attanersuillo pairijigijomârpattit, attaniojullo nulliangit amâmaktitigijomârpattit. Pûtsomârput nunamut sângne, ittikavillo sanningit alluktoromârpait. Tagva missigijomârpotit, uvanga Nâlegaugama, tâpsomingalo nerriuktut kangusuktitautsangimatta.

Jeremia 20:11

Nâlakable najorpânga, pitsartudlartotut sivôranartotullo; taimaimallo unangmijikka apolârput; sâlaᴋarniangilallo; kangusudlaromârput angijomik silatujomik pinialaunginamik, kangusungnermut sorainiangitomut puigortauniangitomut.

Jeremiab Ogguarutigijangit 3:25

Nâlegak avâgosudlarpok utaᴋijiminik, tarnenik ᴋenertunik tâpsominga.

Migga 7:7

Uvangale Nâlegaᴋ arlorvigijomavara; Gude piulijigijara nerriugijomavara; Gudima tusaromavânga.

Johannese 15:25

Oᴋautsille nelautsilerᴋovlugit aglaksimajut perᴋojangine: Pitjuteᴋaratik ômigivânga.

Rômiunut 8:25

Tautungitavulle nerriugiguptigo, ᴋenuersârnermut tagva utaᴋivavut.