Imgerut 20:6 - Labrador Inuttitut Heritage Bible

⁶ Mânna tukkisivunga Nâlekab mingoartane ikajormago, tussarlugolo ᴋillangminit ivsornaitomit; tallerpinga ikajorpok angijoksoarmik.

Imgerut 20:6 Iomraidhean Croise

I Atannit 8:30

Taimâk tagva tusalaurit kivgavit inuᴋotivillo Israelitit ᴋenuninginik ᴋenuneriniartanginik mâne; tusalerit tamattominga inneme, innigijarne ᴋillangme, tusalaurit isumagijungnailugillo ajornerit.

I Atannit 8:43

Tagva igvit tusarit ᴋillangme inneme, innigijarne, pinniarlutillo tamainik takkorngartab nipliarutigijanganik illingnut; inuᴋatigêksuit nunametut ilûnnatik illitarksilerᴋovlugit aternik, sivoraᴋovlugittauk illingnik, inuᴋotititut Israelititut, tukkisilerᴋovlugillo atit malliklugo iglo tamânna igloliolauktara taijaungmat.

Imgerut 17:7

Pitsiarnit tattamnartok saᴋᴋertilauruk, piuliklerteôjotit tatteᴋartunnik illingnik, tâpᴋonangat akkerartortunnit aggangnut tallerpingnut.

Imgerut 18:35

Igvit piuliklernivît sappulutanganik tunnitsivigivarma, tallerpikpîllo pitsartutipânga; nikkanarsârnivîllo angijorortipânga.

Imgerut 18:50

Attanneᴋotiminut piulijauneᴋartitsijok angijoksoarmik, ajungitullijorlo mingoartitaminut Davidemut, tâpsomalo kinguvânginnut soraijuitomik.

Imgerut 2:2

Attannersuit nuname akkerartorput, nâlekallo ᴋachimiokattigêlerput, Nâlegak mingoartangalo akkerartorlugik.

Imgerut 28:8

Nâlegak pitsartutigivât; pitsartuniôvok mingoartanganik ikajortok.

Imgerut 41:11

Tamanna mallugosugutigivara ᴋuviagigamga, ômigijima igiaᴋomijarutiginiangimanga.

Imgerut 9:15

Nallojut kivisimavut ittersame sannalauktamingne; ittiggangit pijauvut nullutjannut ningitilauktamingnut.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 58:9

Tagva niplialeruvit, Nâlekab kiojomârpâtit, tuksiadlaruvillo, oᴋautijomârpâtit: tamânẽpunga — aksorôtjijungnairuvit mittagungnairlutillo oᴋarnerdlugungnairlutillo.

Jesaiase 63:15

Takosâlaurittôᴋ mãna ᴋilangmit, takonâlaurittôᴋ iglungnit ivsornaitoᴋsoarmit pinarnartomillo! Illungertornit pitsartunillo nanẽᴋâk? Illuvit illapsugosungninga nâpkigosungnillo saᴋᴋijâlungilak uvamnut.

Migga 4:5

Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Mattêuse 6:9

Taimâk pivlugo imâk tuksiaritse: Atâtavut ᴋilangme! Attît nertortaule.

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Apostelit Piniarningit 2:36

Tagva mâna Israêlib kinguvângit tamapse ᴋaujimatsialeritse, Gûdib Jêsuse tâmna, kikiaktulauktase saningajolingmut, Nâlegangortilâllo Kristusingortilaungmago.

Apostelit Piniarningit 4:10

Tagva ilûnase Isrâelitillo ilûnatik ᴋaujimalersiuk, Jêsusib Kristusib Nazaremiub, saningajolingmut kikiaktulauktapse, Gûdible toᴋungajunit tupaktilauktangata atingane una mâne nangermat sâpsingne âᴋiktauvlune.

Apostelit Piniarningit 5:31

Tâmna Gûdib talerpingmigut Nâlegangortilaukpâ piuliklertungortilâllo, Israêlitit ᴋaᴋialerneᴋartitauᴋovlugit isumangnarungnaitoᴋartitauᴋovlugillo ajortunit.