Imgerut 19:8 - Labrador Inuttitut Heritage Bible

⁸ Nâlekab piniartauᴋojangit tammartovineᴋajuiput, ᴋuviasuktilâlo ômat. Nâlekab perᴋojangit illaᴋangilat, ᴋaumaksartipaillo ijit.

Imgerut 19:8 Iomraidhean Croise

Genesis 26:5

Imâk pivlugo: Abrahab nippiga nâlangmago, maligaksaurᴋojakkalo malingmagit, perᴋojakkalo ilusiorᴋojakkalo piniaraksaurᴋojakkalo.

II Atannit 17:37

Illutsillo, idluarnerillo, innatsinerillo, perkojallo aglagutigilauktangit pivluse, tapᴋoa malligaksarivasse, pinniatsainarlugillo; Gûdiblo assingit sivuraginagit,

Nehemia 8:12

Inugasaksuillo ilûnatik aivut nerrijomavlutik, immeromavlutiglo, pajungnigomavlutiglo aitusianik, ᴋuviasungneᴋartitsilarmiglo angijomik; oᴋautsit tukkisilauramigit, oᴋautigijaulauktut tapᴋonunga.

Nehemia 9:13

Akᴋarlaukpotillo ᴋakᴋamut, Sinaimik atelingmut, oᴋarvigilaukpattillo ᴋilangmit, tunnitsivigilugillo iduarnermik tammarnangitomik, malligaksaniglo mikselingnik, perᴋojaniglo ilûsiksaniglo ajungitunik;

Imgerut 105:45

Nâlatsiartuksauᴋovlugit idluarijanginnik, ivlersijuksauᴋovlugillo malligaksauᴋojanginnik. Halleluja.

Imgerut 111:7

Aggangita pinniarningit mikseᴋârniôvut, idluarneôlutiglo, perᴋojangit illûnatik soᴋᴋosijuiput.

Imgerut 119:105

Ittikkama oᴋautsitit ᴋaumaksaitigivait, ᴋaumaniolutiglo apᴋosinimne.

Imgerut 119:12

Nertortait Nâlegak! Ajochertulaunga idluarijarnik.

Imgerut 119:121

Idluarnek idluarsainerlo attorpâka; illingatiniarnanga aksorortitimnut.

Imgerut 119:128

Tamanna pivlugo piniartauᴋojaujut illûnâne nâlamarikpakka, apᴋosinerlo tammarnartok tamât ômigivara.

Imgerut 119:130

Nallonarungnaititaunek oᴋausernik ᴋaumaksaivok, sillatotitsilunelo illissimailingajunik.

Imgerut 119:14

Kigligiutsinivît apᴋotingat ᴋuviagivara, akluinartutitut sunatuinatitut pivlugit sorlo.

Imgerut 119:143

Kappiasungnerub siorniornerublo uvigalaukpânga; perᴋojattille ᴋuviasutigivakka.

Imgerut 119:16

Idluarijattit ᴋuviasutigivakka, oᴋautsitillo puigorlungilakka.

Imgerut 119:171

Kangasinâka kôktitsijuksauvuk nertordlernermik, igvit ajochertorumga idluarijarnik.

Imgerut 119:24

Ilâ kigligiutsinitit alliagivakka, attannertortigivakkalo.

Imgerut 119:40

Ahâk pinniartauᴋojattit ᴋajungervigivakka; nakkoksitilaunga idluarnernut.

Imgerut 119:54

Idluarijattit imgerutigivakka arvertarnima iglungane.

Imgerut 119:80

Omattiga nallâgôrlune idluarijarnêtsainarle kangusuktitauᴋonanga.

Imgerut 119:92

Malligaksauᴋojattit manigornerilaungikupkit, nungutaunajalaukpunga pattanganimne.

Imgerut 12:6

Nâlekab oᴋausingit illaᴋangilat Silberetut 7 sêpiatolune illaᴋarungnaititaumajotut ukkusingme maggaujome.

Imgerut 13:3

Takkosalaurittôk, tussalungalo Nâlegak Gûdîk; ijîka ᴋaumaksarlaukik toᴋᴋolunga sinnisilerᴋonnanga.

Imgerut 40:8

Pijomajat Gudiga piniarânérivara, malligaksauᴋojattillo ômattimnêput.

Imgerut 93:5

Kigligiudsinitit mikseᴋartôvut; igloᴋotivît ivsornainek pinarnarutigivâ issoᴋangitomut.

Exodus 18:16

Anârtûtiksaᴋarpata uvamnôrput, idluarsaivungalo inungmik inôᴋatiminiglo, ajoᴋertorpakkalo Gûdib maligaksaurᴋojanginik perᴋojanginiglo.

Salomob Okâl 2:6

Nâlegak ilisimanermik tunnijingmat; tapsoma ᴋaninganit illitarksinek silatunerlo pivuk.

Salomob Okâl 30:5

Gûdib oᴋausingit ilûnatik ilaᴋangilat; tâmna sappulutauvok tettigijiminut ilûnainut.

Salomob Okâl 6:23

Perᴋojak ᴋaumaniongmat, malligaksauᴋojaujullo ᴋaumajovut; Nâlektitaunerublo sugiarninga apᴋosiniôvok inôtsemut.

Jesaiase 64:5

Kuviasuklutik idluartullijut, apkutigijaksaurᴋojarne illingnik erᴋaijut pagrearpattit. Ahâk, ningaumajârpotit, uvagullo idluitullivogut taipkonane (apᴋutigijaksaurᴋojarne) akkunit; piulijauniarkitâ?

Jeremia 15:16

Oᴋautsitit nagvârtaulauᴋput, nerrilauᴋpakkalo; oᴋautsitillo ᴋuviasûtaulauᴋput serrijûtauvlutiglo ômatimnut; atserartaugama atternut, Nâlagaᴋ, Gude Zebaot.

Hesekiel 36:27

Anerneralo pititsomârpara ilupsingnut, arvertartiluselo ilusioᴋojamne, idluarijakkalo malilârpase piniarlugillo.

Rômiunut 3:20

Taimaimat, uvinik (inuk) idluartitaujungnangilaᴋ tâpsoma sângane perᴋojat piniarᴋojanginut; perᴋojanut ajornerit illitarijaulermatta.

Rômiunut 7:22

Gûdib perᴋojangit ᴋuviagivakka ilumiutapkut;

Rômiunut 7:7

Kanoᴋ tagva oᴋartuksauvitâ? Perᴋojat idluitulijutauvât? Taimaitsangilaᴋ! Ajornerle illitarilaungilara, perᴋojanut kissiani; ikliguneᴋ nalolaurapko, perᴋojat oᴋangipatta: Ikliguktuksaungilatit.

Galâtsiamiunut 2:19

Perᴋojanulle toᴋungavunga perᴋojanit, Gûdemut inôjomavlunga; Kristuse kikiaktortauᴋatigivara.

Galâtsiamiunut 3:21

Kanôᴋ? Perᴋojat tagva akkerartorᴋât Gûdib angersimaninganût? Taimaitsangilaᴋ. Omartitsijomigle perᴋojaᴋarpat, idluarsititauneᴋ tagva nelâgut perᴋojanit pinajarpoᴋ.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Deuteronomy 16:14

Serridlarlutillo uvloᴋsiortuksauvotit, igvit, ernîllo, panîllo, kivgallo angut, kivgallo arnak, Leviteojorlo, takorngartarlo, iliarsuglo, uigarnerlo, itertarvingnêtut.