Imgerut 19:13 - Labrador Inuttitut Heritage Bible

¹³ Kivgait sapputilauruk piojorijunnit, attanioterᴋonnagit uvamnut; tagva tammartovineᴋarniangilanga, passijaksaungitsainarniarpungalo idluitullinersoarnut.

Imgerut 19:13 Iomraidhean Croise

Genesis 20:6

Gûdiblo sinnaktômanikut oᴋautivâ: Uvangatauᴋ ᴋaujimavagit, ômatikkut nelâgôrlutit taimailioravit. Tamanna pivlugo idluitulerᴋonak uvamnut aktuitailitipagit tâpsominga.

Hiobe 34:32

“Ipaksingitamnik, igvit ajuᴋertulaunga; idluitullilauruma, taimailioromairpunga.”

Imgerut 11:7

Nâlegak idluarmat, idluarnerlo ᴋuviagivâ, kênangata idluitailijut takkonârpait.

Imgerut 119:133

Arvertarnera nallonangilerle oᴋauserne, idluanginerlo nalliallonêt attanniotitailitiuk uvamnut.

Imgerut 18:23

Idluineᴋalungilangalo sângane, ulloreasuklungalo ajornimnik.

Imgerut 7:10

Sappulutara Gûdemêpok ômattinnik idluitailijunik ikajortome.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Exodus 21:14

Inuble pijarellune saniline tikipago pingitsertorlune toᴋotsomavlugo, tâmna tigujaksarivat tunerguservimnit aglât, toᴋotauᴋovlugo.

Leviticus 4:13

Ilagello Israêlikut ilûnatik tammarpatta, piniarnitiglo ijersimakpatta ilagêt ijinginit, pinialaukpattalo Nâlekab inerterutingita ilanginik, pasijaksaukpattalo;

Leviticus 4:2

Israêlib ᴋitorngangit oᴋarvigikit, oᴋarlutillo: Pijarenane idluitulijoᴋarpat Nâlekab inerterutingita nalianik, piniarpallo perᴋojaungitut ilanganik:

Leviticus 4:22

Angajoᴋaksuit ilangat idluitulikpat, pijarenanalo piniarpat Nâlekab Gûdingata inerterutingita ilanganik, pasijaksaukpallo;

Leviticus 4:27

Inuillo erᴋanangitut ilangat pijarenane idluitulikpat, piniarlune Nâlekab inerterutingita ilanganik, pasijaksaukpallo;

Apostelit Piniarningit 24:16

Tamattomanele idluartomik isumaᴋarasuarpunga ilûnâne Gûdemullo inungnullo.

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;

I Samuel 25:39

Davidele tamattominga tussarame Nabale toᴋᴋolerêrmat oᴋarpok: Nalegak nertortaule mittautigijaunimnik akkiniaruteᴋalauktok Nabalemik, kivganelo sapputilaungmago idluitullinermit; Nalekab Nabalib idluitullininga tamana akkiniarutigilaungmago niaᴋoanut. Davidelo tilliklerpok Abigailelo oᴋautsauᴋova nullianigomagamiuk.