Imgerut 17:7 - Labrador Inuttitut Heritage Bible

⁷ Pitsiarnit tattamnartok saᴋᴋertilauruk, piuliklerteôjotit tatteᴋartunnik illingnik, tâpᴋonangat akkerartortunnit aggangnut tallerpingnut.

Imgerut 17:7 Iomraidhean Croise

II Atannit 19:22

Kina mittautigilaukiuk, oᴋarnerlutigilugolo? Kina nipiᴋarutigilaukiuk? Ijikik torartilaukpakik kôngmut Heiligeojomut Israelemetomut.

II Atannit 19:34

Uvangalo iglugasaksuit makkoa serngnigijomavakka piulijomalugillo pivlunga, kivgaralo Davide pivlugo.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Imgerut 20:6

Mânna tukkisivunga Nâlekab mingoartane ikajormago, tussarlugolo ᴋillangminit ivsornaitomit; tallerpinga ikajorpok angijoksoarmik.

Imgerut 31:21

Nâlegak nertortaule pitsiarnine tattamnartok saᴋᴋertilaungmago uvamnut iglugasaksoarne sôngojunne.

Imgerut 31:22

Uvangale mungudlarlunga oᴋalauktunga: Ijikpît sângangnit nussuktaumavunga; sullele ᴋennunima nippinga tussarlaukpat ᴋaigarsudlartillunga illingnut.

Imgerut 44:3

Nuna saviksoarmingnut nangmineliutiluangimatsuk, tallingitalo iᴋajulaungilait, tallerpikpîlle, tallivîllo kênavîllo ᴋaumaningata; igvit ᴋuviagilaurangne.

Imgerut 60:5

Nagligijattit piulijauᴋovlugit, iᴋajulaurit tallerpingnut, tussalutalo!

Imgerut 78:12

Atâtagilauktangita sânginne tattamnartullilaukpok Egiptenib nunangane, Zoanib naternangane.

Exodus 15:6

Nâlegak, aggatit tallerpît inornarsivut pitsartunerme; Nâlegak, aggakpit tallerpikpit omisuktit egilugit serᴋomipait.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Apostelit Piniarningit 2:33

Mâna Gûdib talerpiagut ᴋongmuartitaugame, Atâtablo angersimaninga Anernermik ajunginermik pilauramiuk, tâpsominga tagva kovisilaukpok takojapsingnik tusartapsingniglo.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.