Imgerut 147:3 - Labrador Inuttitut Heritage Bible

³ Serᴋomisimajunik ômattiggit innûlivait, mangipsertorlugillo ânianingit.

Imgerut 147:3 Iomraidhean Croise

Hiobe 5:18

Tâmna ikkilêvok, mangipsêlunelo; egitsilune serᴋomitsivok, aggangillo mammititsivut.

Imgerut 34:18

Nâlegak ᴋannipok serᴋomisimajunnik ômattelingnut, ikajorpaillo issumamikut kappiasuktut.

Imgerut 34:19

Idluartok kappiagijaᴋarpok unnuktunnik, Nâlekable ikajorpâ tamakkonangat tamainit.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Jeremia 33:6

Ahâk, tukiutjivigijomavakka atsuilinermik inûlijaunermiglo, inûlijomavakkalo; nalonaijaivigijomavakkalo ulapirksaumik mikseᴋârnermiglo amigangitomik.

Hesekiel 34:16

Assiomalauᴋtoᴋ ᴋeneromârpara, ᴋemâtitaujoᴋ tikiutijomârpara, aᴋᴋunaᴋsimajorlo mangipseromârpara, ᴋanimajorlo nakoᴋsititsomârpara: ᴋoinijullo sôngojullo nungutsomârpakka; nerripkaromârpakka idluartomik.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Lukase 4:18

Nâlekab Anerningata najorpânga, taimaimat mingoalaukpânga, tililarmalo oᴋautsinik tussarnertunik oᴋâlaᴋovlunga aklujunut, inûliklerᴋovângalo serᴋomisimajunik ômatilingnik, parngnanairsimavingmêtullo aniviksanginik ᴋaujitilugit, tautungitullo tautulerᴋovlugit, kappiasuktullo kappiasugungnairᴋovlugit ajorungnairᴋovlugillo,