Imgerut 147:2 - Labrador Inuttitut Heritage Bible

² Nâlekab Jerusaleme sannavait, aijaliktaumajullo Israeleme kattersorpait.

Imgerut 147:2 Iomraidhean Croise

Nehemia 6:15

Avaloksuillo pijarêrlaukput takᴋib Elulemik atigub uvlungita 25ingane, uvlune 52ine.

Nehemia 6:16

Omigijiptalo ilûnatik tamânna tussaramitsuk, nallojut avatiptingnêtut ilûnatik sivuravut, mungolerlutiglo, mallugosukamik pinniarnek tamânna Gûdemit pingmat.

Nehemia 7:4

Iglugasaksuille angijolaukput nerrotôlarmiglo, inusadlalaukporle, igluillo igloliortaulaungilet sulle.

Imgerut 102:17

Tâpsoma ᴋemaksimajut tuksiarningit sâvigivait, tuksiarningillo nachogingilait.

Imgerut 51:18

Zione ajungitullivigiuk saimarveᴋarnît malliklugo; Jerusalemib avaluksoangit sannalaukit.

Jesaiase 14:32

Kanorlo innugasaᴋsuit tillijangit kiojomârᴋagît? Imâk: Nâlekab Zione tunganelivâ, tagvanelo sapputjauviksaᴋaromârput inuᴋotingita ajulertoᴋotingit.

Jesaiase 27:13

Taipsomane tiptulaut angijoᴋ attortaujomârpoᴋ, tagva assiomajut Assurib nunanganẽtut tikkitsomârput ajaktortaumajullo Egiptenib nunanganẽtut, Nâlegarlo tuksiarvigijartoromârpât ᴋaᴋᴋame ivsornaitome Jerusaleme.

Jesaiase 56:8

Nâlegaᴋ Gûde, ajaktortaumajunik Israêlitinik kattersoijoᴋ, oᴋarpoᴋ: Ununersanik kattersoijomârpunga sulle, kattititaumajunut pitillugit.

Jesaiase 62:7

Nippangerviginiarasiuk (Nâlegaᴋ), Jerusaleme tungavilertaurᴋârtinago nertornartitaurᴋârtinagolo nuname tâpsomunga.

Jeremia 31:10

Nâlakab oᴋausinga tusarsiuk, inôᴋatigêksoangojose ilipse, oᴋautigisiuglo ᴋikertane ungasiktune; oᴋaritselo: Israêlikunik siamartitsilauᴋtûb katersoromârivait ama, pairijomârlugillo, sorlo saukanik mianersijûb saukane pairingmagit.

Jeremia 31:4

Attauk, sananiarpagit pijarêrsimaniarpotillo tagva, uigasôjotit Israêle; ᴋillausijarlutit pinnarnarsititaujomârivotit, anijuksauvotillo ᴋuviasuklutillo oᴋigêsertut ilagilugit.

Jeremia 32:37

Ahâk, katersoromavakka nunanit tamainit ajaktortauviotilauᴋtamnit tâpkoninga ningarnimne, ᴋaningaumajârnimnalo, ilungertudlarnermelo; tikiutitsomagivakkalo tamaunga, terliklutiglo inôᴋojomavakka;

Hesekiel 38:8

Uvlut unuktut ᴋângerpatta nelipsartaulârpotit; jârine kingorliojune tikitsomârpotit nunamut saviksoarmit utertitaujomut, inôᴋatigêksoarnit unuktunit katersortaumajunut, Israêlib ᴋaᴋᴋanginut, akunêrtomik inuᴋalaungitunut: inôᴋatigêksoarnille anititauvut, ilûnatiglo terliklutik nunaᴋalerput.

Daniel 9:25

Kaujilirit taimaimat, tukkisilutillo, piᴋojab Jerusalem sanajauᴋovlugo âᴋiksortauᴋovlugolo anininganit Messiasib angajoᴋâᴋsoangojûb tikininganut, vôgit 7 pijuksauvut, vôgillo 62 ilagilugit; sanajaulârpoᴋ apᴋosineâluᴋarluni tassiᴋtârtausimavlunilo avatâgut, naliunini siorniornartuni.

Migga 4:6

Uvlorme tâpsomane, oᴋarpoᴋ Nâlegaᴋ, tusiaktut katersoromârpakka, ajaktortaujullo pikaluktakkalo katititsomârpakka;

Saggaria 8:7

Imâk oᴋarpok Nâlegak Zebaot: Ahâk, inuᴋotikka piulijomavakka nunamit seᴋerngub nuiviata nalânêtomit seᴋerngublo nipiviata nalânêtomit;

Mattêuse 16:18

Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.

Deuteronomy 30:3

Tagva Nâlekab Gûdivît aularutijaunît issumagijomârîva, nâpkigijomârpâtillo, uterlunelo katersoromârpâtit inôᴋatigêksoarnit tamainit, Nâlekab Gûdivît apsimaviotitanginit ilingnik.