Imgerut 146:9 - Labrador Inuttitut Heritage Bible

⁹ Nâlekab tujormitjat sapputivait, illiârsuillo uigarnerillo pattangaitipait, Gûdeᴋangitullo apᴋosininget mumiktipâ.

Imgerut 146:9 Iomraidhean Croise

II Samuel 15:31

Davidelo oᴋautsaulerame, Ahitofelib Absalome illagingmago, oᴋarpok: Nalegak, Ahitofelib attanertuininga sillainingortilauruk.

II Samuel 17:23

Ahitofele takkogame attannertuinine malliktaulungimat siuteᴋoᴋtôjoᴋotine iksivaviktârpa, parngnailunelo, angerarlunelo iglugaseksoarnut igloᴋarvigijaminut, iglunelo âkikpa, ᴋimiklunelo toᴋᴋolarmelo, illijartortauvorlo atâtame illuveᴋotinganut.

Ester 5:14

Tagva nulliangata Seresib oᴋautiva illanârijangatalo Ilûnatik: Nappârtomik sennajokarle tallitut 50 gitut pôktotigijomik, atannerlo ᴋaupat oᴋautsaulerle, Mardachai ᴋimiktauᴋovlugo tapsomane, tagva ᴋuviasuklutit atannek aiparellugo nerrimarviliarniarpotit. Hamanib tamanna nâmagiva, âkᴋiksortauᴋolugolo nappârtok.

Ester 7:10

Taimâk Haman ᴋimiktaulaukpok nappârtome sennalauktamine Mardachai pivlugo. Tagva atanniub ningarninga sorailaukpok.

Ester 9:25

ᴋanorlo Estere atannermut ailaungmat, oᴋalaungmallo, aglangnut tapsoma kajusimaningit idluitut, Jûdit pivlugit issumagilauktangit, sangutitaukovlugit tapsoma niaᴋoanut; ᴋanorlo tamna erningillo nivingartaulaungmatta nappârtomut.

Imgerut 10:14

Takkolaukpotit; ᴋannoêtut kappianartullo tautukpâttit; illijaksauvut aggangnut; aklujut perᴋovât illingnut; ikajorteôvotit illiârsungnik.

Imgerut 145:20

Nâlekab nagligijine illûnaita sapputivait, Gûdeᴋangitullo tamaita nungutsomârpait.

Imgerut 147:6

Nâlekab pattangajut makkitipait, Gûdeᴋangitullo pinguvait nunamut.

Imgerut 18:26

Ivsornaitunne ivsornaipotit, mumiksimajunne mumiksimavotit.

Imgerut 68:5

Atâtaujok illiârsungnut, idluarsaijôjorlo uigarnernut; Gûdeojok inimine ivsornaitome.

Salomob Okâl 15:25

Nâlekab pingijaitut iglungit imiktitsomârpait, uigarnerillo kiglilervingit soᴋosijuititsomârpait.

Salomob Okâl 4:19

Gûdeᴋangitulle apᴋotingat tâksinertunipok, nellovullo nanê pâlangniaramik.

Jeremia 49:11

Iliarsugijatit taimailingatuinartikit, uvanga pairijomavakka; uigarnerijavillo tatigilinga.

Hosea 14:3

Assurib piulinialungilâtigut; horsene ablangajomangilagut aggaptalônêt senajanginut oᴋarungnairomavogut: gudigivapse: ilingne iliarsuit nâpkigijauneᴋsingmatta.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

I Korintemiunut 3:19

Silaksûb mattoma silatuninga silainiongmat Gûdib sângane. Aglaksimangmat: Silatojut tâpsoma anguvait silatuningine.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.