9 Nâlegak pitsiarpok illûnainut, piniartanelo tamaita nâpkigivait.
Omajunullo tarnelingnut tamainut illipsingnêtunut, tingmianullo, nergjutinullo, nunablo ômajunginut tamainut najortapsingnut, illa, umiaᴋsoarmit anisimajunut ilûnamatsianginut, ômajut nallîlônêt nunamêtut illautilugit,
Nâlegak illanâᴋarmat, saimarveᴋarninga issoᴋangitôvok, mikseᴋârningalo soraijuitôvok.
Illûnatik miperpâtit nerᴋiksamik tunnitsivigilugit perᴋovlutit nalliutome idluartome.
Nâlegak ajungitôvok, idluitailijôlunelo, tamanna pivlugo ajortuggit ajochertorpait apᴋosinerme.
Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.
Uvangalo iglugasaksuit tâpkoa, Ninive, ilapjugijaksaringilakkâ, inuᴋtaᴋartut ununersanik 120,000nit, ᴋaujimangitunik talerpingmingnik saumingmingnit, nergjutetaliksuillotaûᴋ?
Nâlegak avâgosuktôvok, ungalujijoksoangovok kiksarnartub uvlungane; ilitarivaillo sungertutigijine.
ᴋitorngaulerᴋovluse Atâtapsingnut ᴋilangmêtomut. Tâpsoma seᴋinine nuerᴋongmago ajortunullo ajungitunullo, silaloᴋojilarmelo idluartunullo idluangitunullo.
Taimaigalloarmat, ingminik nalonartilaungilak, unuktunik ajungitulivigigamitigut: silaloᴋojivlune ᴋilangmit, perorsiallo perorᴋovlugit, tunitjivigivlutalo nerᴋiksaptingnik, ᴋuviasungnermiglo ômatiptingne.
Inuit agganginuttauk kivgartortaujariaᴋangilak, sumik ajoᴋsartotut; nangminek tamaita inôtingmagit anerneᴋalertilaitalo, piksanginiglo tamainik tunitjivigingmagit.