Imgerut 145:3 - Labrador Inuttitut Heritage Bible

³ Nâlegak angijôvok, nertornadlarlunelo, anginingalo nautsertortaujungnangilak.

Imgerut 145:3 Iomraidhean Croise

I Kronika 16:25

Nalegak angijoksôngmat, nertornartoksôlarmelo sivuranaluarporlo Gûdinit tamainit.

Hiobe 26:14

Ahâk, tamadsa apᴋosiningita illangit; oᴋautsemiglo mikkijoârsutuinarmik tussalaukpogut tamattomangat ila! Kiale pitsartuningata kallungninga tukkisijungnarᴋaûk?

Hiobe 36:26

“Ahâk, Gûde angijôvok, nallonarporlo uvaptingnut; jâringita unnurningit nautsertortaujungnangilet kinamullonêt.

Hiobe 37:23

“Ajugaᴋangitorle nachvârungnangilavut, angijoksoarmik pitsartunelik; tâpsoma idluarnine illiorninelo idluartok akkiniarutiginiangilak.

Hiobe 5:9

Angijunik pinniartok, nautsertortaujungnangitunik, tattamnartuniglo kittiksaungitunik.

Hiobe 9:10

Tâpsoma pinniarnersuit pinniarpait nautsertortaujungnangitut, tattamnartullinerillo kittitaujungnangitut unnumut.

Imgerut 139:6

Illitarksinek tamattominga tattaminiarnaluarpok innornarlunelo uvamnut, ipaksijungnangilara.

Imgerut 147:5

Nâlegavut angijôvok, pitsartojoksôlulunelo; sillatoningalo ôktortaujungnatsangilak.

Imgerut 48:1

Nalegak angijôvok, oᴋausiongînadlarlunelo Gûdipta iglugasaksoaᴋotinginne, ᴋaᴋᴋakotingane.

Imgerut 96:4

Nâlegak angijôngmat, angijomiglo nertortaujuksauvok; sivuranarnersauvlune Gûdinnit tamainit.

Jesaiase 40:28

Kaujimangilasê, tussalungilasê, Nâlegaᴋ Gûdeongmat issoᴋangitoᴋ, sillaᴋsûb kiglinginik pingortitsijoᴋ? Merngortoranelo nukkeᴋarungnailungilaᴋ, sillatuninga inornarpoᴋ.

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.