Imgerut 143:10 - Labrador Inuttitut Heritage Bible

¹⁰ Ajochertulaunga ᴋuviagijarnik pinniarᴋovlunga, Gûdigigapkit; annernerpît ajungitub tassiorlinga apᴋome manniktome.

Imgerut 143:10 Iomraidhean Croise

Nehemia 9:20

Annernerniglo ajunginermik tunnitsivigilaukpattit, ajoᴋertorlugit, Mânnakotitillo sangutilaungilattit ᴋaninginit; immermiglo tunnitsivigilaukpattit immeruktilûgit.

Imgerut 118:28

Igvit Gûdigivagit, ᴋujagivagillo, Gûdîk nakorijomavagit.

Imgerut 119:12

Nertortait Nâlegak! Ajochertulaunga idluarijarnik.

Imgerut 119:35

Tassiulaunga perᴋojavît apᴋosiningane; tamanna ᴋuviagigapᴋo.

Imgerut 139:24

Takkolutillo, apᴋomêmangârma idluitome; tassiulaungalo apᴋome issoᴋangitome.

Imgerut 140:6

Uvangale Nâlekamut oᴋarpunga: Igvit Gûdigivagit; Nâlegak ᴋennunima nippinga tussalauruk.

Imgerut 22:1

Gûdîk, Gûdîk, sôg ᴋemakpingâ? Ungasikpotit ikajortaunimnit, ârusungnimalo oᴋausinginnit.

Imgerut 23:3

Tâpsoma tarniga nakoksitipâ, tassiorpânga idluarnerub apᴋosiningane attine pivlugo.

Imgerut 25:12

Kinauva tâmna Nalekamik sivôrajok? Tâpsoma unertutiniarpâ apᴋosinermik idluarnerpâmik, annerijaksarijanganik.

Imgerut 27:11

Nâlegâk, apᴋosinernik unertutilaunga, tassiorlungalo apᴋosinerme tammarnangitome, akkerartortikka pivlugit.

Imgerut 31:14

Uvangale igvit Nâlegâk, tattigivagit, oᴋarlungalo: Gudigivagit;

Imgerut 63:1

Gude, igvit Gûdigivagit; uvlârârsukut ᴋenneromavagit; tarnima kêniarvigivâtit, uviningma ᴋêmitigvigivâtit nuname ipterilingajome, pannertomelo immeᴋangitome.

Jesaiase 29:10

Nâlekab anerneᴋ sinningnartoᴋ kovingmago illipsingnut, ijiselo (tagva:) nallautaijut mattulugit niaᴋoselo (tagva:) takkotitjuteᴋartut ulliklugit.

Jesaiase 63:14

Sôrlo nergjutit naternamut attersârmatta, taimak Nâlekab anerningata inilangaviᴋartipait. Taimak inuᴋotitit tassiorpattit, opinartoᴋsôjotut erᴋaumanaromavlutit.

Migga 4:2

Inôᴋatigêksuillo unuktut ingeraromârput, oᴋarlutiglo: Kaileritse, majuarta Nâlekab ᴋaᴋanganut, Jâkoblo Gudingata iglunganut; tâpsomalo ajoᴋertulârpâtigut apᴋutauᴋojaminik, arvertaromavogullo apᴋutingine; perᴋojat anijomârmatta Zionemit, Nâlekablo oᴋausinga Jerusalemit.

Numbers 9:22

Adsigêkpoᴋ uvlûk maggûk nâvlugik, taᴋᴋerlônêt nâvlugo, jârelônêt nâvlugo nuvujaᴋ noᴋangamangât tupiub ᴋângane, nûtsuilune, Israêlikut tangmârsimatsainarput, ingergarlugatiglo; ᴋangatartuarpalle, tagva ingergalerivut.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Johannese 14:26

Manigoijuble, Anernerûb ajunginerûb, Atâtama tilijomârtangata atimne, tâpsoma ajoᴋertorniarpâse tamainik, erᴋaitiluselo tamainik oᴋauserilauktamnik ilipsingnut.

Rômiunut 15:13

Gûdible nerriuktitsijub ilumertilise tamainik ᴋuviasungnermiglo ulapirsaumiglo okpernermut, nerriugijaksaᴋarmarerᴋovluse Anernerub ajunginerub pitsartuninganut.

Rômiunut 15:30

Kaiblarpapsele, ᴋatangutikka, Nâlegavut Jêsuse Kristuse pivlugo, Anernerublo naglingninga pivlugo, ikajoᴋatigisinga ilungertorluse tuksiarudlunga Gûdemut;

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Rômiunut 8:2

Anernerub ômartitsijub Kristuse Jêsuseme perᴋojangita kivgaujungnaitimanga ajornerub toᴋublo perᴋojanginit.

Rômiunut 8:26

Taimaktauᴋ sangêniptingne Anernerub ikajorpâtigut. Tuksiarnermik ᴋanoᴋ nâmaktomik nalogapta; Anerneruble nangmineᴋ akkisartorpâtigut anersaumijunut oᴋautaujungnangitunut.

Efêsusemiunut 4:30

Gûdiblo Anerninga ajungineᴋ kiksartiniarasiuk, tâpsominga naᴋititsiviomagapse uvlormut piulijauviksamut.

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

II Timôteusemut 1:7

Anernermik sivôrajomik Gûdib tunitsivigilaungimatigut, pitsartunelingmigle, naglingniktomiglo, idluartomiglo.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Johannesib 2:27

Saimarsautilo, tâpsomangat pijasi, ilupsingnêtsainarniarpoᴋ, kimullo ajoᴋitortaujariaᴋangilasi; sorloli saimarsautib tamainik ajoᴋitormasi, miksiᴋârtôlarmilo saglunanilo; taimak sorlo ajoᴋitulaungmasi, tâpsomanêtsainaritsi