Imgerut 139:2 - Labrador Inuttitut Heritage Bible

² Iksivajarangama nikkovijarangamalonêt, tagva igvit ᴋaujimavat; issumakka tukkisivâttit ᴋaningitomit.

Imgerut 139:2 Iomraidhean Croise

Genesis 16:13

Tagva Nâlekab oᴋautjime attinga taivâ: Igvit Gûdeovotit takojoᴋ (tamainik); oᴋarame: Tamâne takungipigô uvamnik takojoᴋ?

II Atannit 19:27

Nunakarnîlle, annivaktarnillo, itternerivaktarnîllo ᴋaujimavakka, pikablâvigigamgalo.

II Atannit 6:12

Tagva kivgangita ilangat oᴋarpok: Taimangungitok angajoᴋara atannek; Elisale nallautaijok Israeleme, tamainik oᴋarpok Israelitit atanninganut, oᴋauserijarnik aiparuserᴋotingne innarvikotivit najugâne.

Imgerut 44:22

Pivlutille uvlok nâvlugo toᴋᴋotauvogut, inasugijaulutalo saukatitut toᴋᴋotaksatitut.

Imgerut 56:8

ᴋemânera kittilauruk, ᴋugvikka pôlerkit pôᴋotingnut. Ila aglaᴋotingne aglaksimavut.

Imgerut 94:11

Nâlekab Inuit issumangit ᴋaujimavait sunautsangimatta.

Salomob Okâl 15:3

Nâlekab ijingit ilûnanêmiunik tautukput, ilûnainik idluitunnik idluartunniglo.

Jesaiase 37:28

Nunaᴋarnit itternillo anninillo ᴋaujimavakka, pikkablavigigamgalo.

Hesekiel 11:5

Nâlekablo ânanauningata tupvigivânga, oᴋautivângalo: Oᴋarit: Imâk oᴋarpoᴋ Nâlegaᴋ: Taimak oᴋarsimavose, ilipse Israêlib ᴋitorngangit; anernipse issumangit ilitarigapkit.

Hesekiel 38:17

Imâk oᴋarpoᴋ Nâlegaᴋ Nâlegaujoᴋ: Tâmnauvêt oᴋautigilauᴋtara itsarsoarme kivgapkut Israêlib nelautaijungitigut, nelautailauᴋtut uvlune tâpkonane jârit unuktut nâvlugit, tikiutijomârapkit tâpkonungâ?

Saggaria 4:10

Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

Mattêuse 9:4

Jêsusible issumangit ᴋaujimagamigit, oᴋarpok: Sôᴋle ômatipsingne issumaluᴋisê?

Lukase 9:47

Jêsusible ômatingita issumangit ᴋaujileramigit, nutakᴋamik tigusivok, nangertilugolo saniminut.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

Deuteronomy 31:21

Idluinerillo ânianerillo unuktut tikisimakpatta tâpkonunga, imgerutsit ukkua kigligiutjilârput pivlunga tâpkoa sângine, puigortaujuksaungimatta kinguvângita ᴋaninginit; ᴋaujimalerêrama mâna issumagilârtanginik taipsomane, tikiutjiᴋârtinanga tâpkoninga nunamut angerutigimarilauᴋtamnut.