17 Tagvane Davidib nakjunga nuerᴋojomavara, mingoartaralo ᴋaumaumik âᴋiksoivigilaukpara.
Erninganullo kinguvarêt atautsit tunnijomavakka, Davide kivgara ᴋaumauteᴋatsainarᴋovlugo sâmne iglugasaksoarne Jerusaleme annerilauktamne atera pitilugo tagvunga.
Davidele pivlugo, Nâlekab Gûdingata ᴋaumauteᴋarkova Jerusaleme, erninga pitilaungmago tapsoma kingorngane, Jerusalemelo soᴋosertailitingmagit.
Nâlekable Judakut asseroromalaungilait kivgakotine Davide pivlugo; sorlo oᴋautilaungmago, tunnitsivigitsainaromavlugo ᴋaumautiksamik ᴋitorngangita akkorngane soraijuitomik.
Nalekable Davidib iglunga (kinguvangit) asseroromalaungila, angerᴋattigêngnek pivlugo Davidemut angernerilauktanga, sorlolo oᴋalaungmat, tamnalo ᴋittorngangillo ᴋaumauteᴋartitsomavlugit nalliutune tamaine.
Innuᴋotimelo naksunget ᴋongmuartipâ, ivsornaitoᴋotime illûnatik nertordlerningit ᴋongmuartipait tagva Israelib ᴋittorngangita, innugasaksuit ᴋannitut tâpsomunga. Hallêluja.
Aggangit pititsomavakka imarbingmut, tallerpingalo kôksoarnut.
Naksugale ᴋongmuartiniarpat, tuktûjârtub naksungatut; mingoartauniarpungalo orksumut nutâmut.
Uvlorme tâpsomane Israêlib ᴋitorngangita nakjusangit nuilertitsomârpara, tunitjivigijomârpagillo ᴋanermik angmartomik tâpkoa akorngane; ᴋaujijuksauvullo uvangaugama Nâlegaᴋ.
Nuilertitsivigingmatigut nagjumik puiliklertiksamik kivgame Dâvidib iglungane,
Annârtortut Nalekamik sutairtuksauvut; ᴋollingine kallertitsiniarpok ᴋillangme. Nalekab sillaksub issua erᴋartoromârpa, attaneᴋotinelo pitsartuneᴋartitsomârpa, kangatartitsomârlugolo saimartitame naksunga.