Imgerut 131:1 - Labrador Inuttitut Heritage Bible

¹ Nalegak ômattiga pingijailungilak, ijîkalo piojorilungilâk, arvertarlungilangalo pijarialiksôjunne inortamne.

Imgerut 131:1 Iomraidhean Croise

II Samuel 6:22

Mikkinersauleromavungalo sulle tamattomangat, pijariakitonasugijomavungalo ijipkut, kivgallo arnat oᴋautigilauktatit illagilugit nertortaujomavlunga.

Hiobe 42:3

Ilâ kinauva tâmna kajusimanermik ulliksijok sillainermut? Tamana pivlugo ipaksilaungitara oᴋautigilaukpara; pijoᴋartut inorlauktakka, illitarilaungitakka.

Imgerut 101:5

Inuᴋattiminik angigutsivlune kiggoijok nungupara. Tâmna pijomalungilara piojorijomik tautugaᴋartok, angutausertomiglo ômattelik.

Imgerut 122:1

ᴋuviasukpunga oᴋautileraikpânga: Nâlekab iglunganut itterta.

Imgerut 124:1

Nalekab illagingipattigut, taimak Israelitit oᴋarlît;

Imgerut 133:1

Ahak, ânanaudlarmêk, takkoranidlarmêglo, ᴋattangutigêt issumaᴋarᴋattigêklutik iglomioᴋattigêkpâtta.

Imgerut 139:6

Illitarksinek tamattominga tattaminiarnaluarpok innornarlunelo uvamnut, ipaksijungnangilara.

Salomob Okâl 21:4

Ijit pingijaitut, ômallo piojorijok, Gûdeᴋangitullo ᴋaumautigijangit ajorniôvut.

Jeremia 17:16

Uvangale sukalinasualaungilanga mianersijungnairomavlunga maliklutit; uvlorlônêt pidlartauvik tussigilaungilara; ᴋaujimavotit; ᴋangasinângma anititangit kênavit sânganêlauᴋput.

Jeremia 45:5

Igvillo angijunik ᴋenerᴋêt ilingnût? Kenerniarnagit; tagva ahâk, idluitomik tikiutjijomârpunga uvinilingnut tamainut, oᴋarpoᴋ Nâlagaᴋ; inôsille aᴋsârnigaujotut tunijomavara ilingnut nunane tamaine aivigitainaraloartarne.

Numbers 12:3

Angulle Mosese sinaungaitôvoᴋ, piluarlune angutinit tamainit nunab ᴋânganêtunit.

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Apostelit Piniarningit 20:19

Nâlegarlo kivgartulaukpara angijomik nalopᴋotijunga, ᴋugviorlarmalo unuktunik, kapiasuktitaularmalo Jûdinut, unangmiklertunut uvamnik;

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!

Rômiunut 12:16

Ilipsingnut adsigêktunik issumaᴋaᴋatigêgitse. Pinasuarniarase pingijainartunik, piojorijuitulle malingniarsigik.

Deuteronomy 17:20

Omatinga pingijaiᴋonago ᴋatangutine naggogilugit, perᴋojamiglo allaiᴋonago talerpingmullônêt saumingmullônêt; unuksititsiᴋovlugo uvluminik ataniovingmine, tâmna ᴋitorngangillo, Israêleme.

I Tessalônikamiunut 2:10

Nelungilase Gûdiblo (nelunginivâ), ᴋanoᴋ ivsornaidluta idluartôvlutalo passijaksaunatalo najulaurapse, ilipse okpertose.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.

I Samuel 16:22

Saulelo tilliklerpok Isaimut, oᴋautjauᴋolugolo: Davide sâmnêtsainarᴋolauruk, saimaneksingmat ijingma sângangne.

I Samuel 17:15

Davide aularivok Saulemit, atâtame saugaᴋotinginik mianersiᴋovlugo Bethleheme.

I Samuel 18:23

Sauliblo kivgangita oᴋautsit taimaitut oᴋauserivait Davidib siutikita sângangne. Davidele oᴋarpok: Tamanna mikkijonasugivissiuk ningaungôlerlune attanermut? Uvangale anguteôvunga aklujok pijariakitorlo.