Imgerut 12:2 - Labrador Inuttitut Heritage Bible

² Saglojunik oᴋautiutivut; kangasinângnut piangnartunnut, ômamullo maggogusertomut oᴋarput.

Imgerut 12:2 Iomraidhean Croise

I Kronika 12:33

Sebulonekunit, aulartut, katimgajunut oppalungêrsimavlutik sorsungnermut, sakkulijarlutik sunatuinarnik 50,000 dit, ommatigit nâlatsiartunik.

Imgerut 10:7

Kanninga tattapok oᴋauselungmik, nallangainermiglo uivêriklernermiglo; oᴋangata attâne ᴋannoêtoᴋarpok kappianartoᴋalunelo.

Imgerut 116:11

Mungonimne oᴋalaukpunga: Inuit illûnatik saglotôvut.

Imgerut 144:11

ᴋellulaunga piulilungalo ᴋittorngat takkorngartat agganginnit, ᴋaneᴋartut tukkeᴋangitomik oᴋartunnik, tallerpingmiglo aggaᴋartut nallâgôrlungitunnik.

Imgerut 144:8

Kanneᴋartut tukkeᴋangitomik oᴋartunnik, tallerpingmiglo aggaᴋartut nallâgôngitunik.

Imgerut 28:3

Nussuᴋassiutiniarnanga Gûdeᴋangitut illagilugit, idluitullijullo, illanârnartunnik oᴋauseᴋartut inuᴋattimingnut, idluitomiglo ômamiutiggit.

Imgerut 38:12

Tarnimniglo pinnasuartut nigartorpânga; idluiveᴋaromajullo uvamnik, kassênermik oᴋauteᴋarput, attorpullo uivêriklernermik uvlut tamaita.

Imgerut 41:6

Tikkitoᴋarangallo takkojartorlunga, tagva ômattinga oᴋarpok nallangainermik; kassênermik kattersuivok, annivok oᴋautigilâlo.

Imgerut 5:9

Taipkoa ᴋanningine mikseᴋârneᴋangimat; illumigijangit idluitoksôvut, torklungit illuvektut angmarsimajotun îput, oᴋamingnullo takkomôrput.

Imgerut 55:21

Kanningit piarnarnersauvut imub orksuanit unatadlarnerlo ômattinginêpok; oᴋausingit kettulinersauvut orksumit, saviksoatuinaugalloarpullo.

Imgerut 59:12

Kangasinângita oᴋausingit ajornetuinauvut; tamanna pivlugo angujaujuksauvut pimariuterninginne, oᴋarnerlotjiningit, saglonerillo unipkautigijangit pivlugit.

Imgerut 62:4

Kachimioᴋattigêtuinarput ᴋannok pôktoninganit ajâktoromavlugo, saglonernik attaruilivlutik, saimartitsivut ᴋanermut, ômamele ôᴋarnerlotjivut, Sêla.

Salomob Okâl 20:19

ᴋaujijaujuksaungitunik nellonaijaijok mangatsijotun-ipok; ᴋaneᴋadlartomiglo ilaᴋarniarnak.

Salomob Okâl 20:6

Inuit unuktut atunit ajungitullinitik nertorpait; kiale nallâgortomarik nachvârungnarᴋauk?

Salomob Okâl 29:5

Takkomôrtok inûᴋattiminut tâmna nullutjannik illijivok taipsoma itiganginut.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Jeremia 9:8

Oᴋangit ᴋargjûvut toᴋonartut; uivêriklernermik oᴋartut; ilangata inôᴋatine ilanârnartomik oᴋaᴋatigivâ, ômatiminele terliarasuarpâ.

Hesekiel 12:24

Piungitunik takotitjuteᴋarungnairomârmat, uivêrinartuniglo nelautainerluktoᴋarungnailârmat Israêlib ᴋitorngangita akorngane.

Migga 7:2

Idluartoᴋarungnaipoᴋ nuname, nalâgôrtoᴋarungnaiporlo inuit akorngane; ilûnatik terliarsilutik pinasuarput aungmik, nulluanut pinasuarᴋatautivut.

Rômiunut 16:18

Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.

I Tessalônikamiunut 2:5

Manigôtituinartunik oᴋauseᴋalautsanginapta, ᴋaujimavose, perᴋutiniaromanermullônêt pilaungminata; Gûdib nelungilâtigut.

Jâkobusib 1:8

Inuk ᴋolartok maggoguserpok piniarnermine tamaine.