Imgerut 119:9 - Labrador Inuttitut Heritage Bible

⁹ ᴋannok innuosuktok apᴋosinermine passijaksaunane arvertarniarᴋâ? Oᴋautsitit malliklugit piniarune.

Imgerut 119:9 Iomraidhean Croise

II Kronika 6:16

Manna Nalegak Israelib Gudinga, kivgait Davide, atâtaga, soᴋᴋosijuititsivigilauruk oᴋauserilauktarnik tapsomunga, oᴋarlutit: Ajoksartuksaungilatit angumik, sâmne iksivajomik Israelib iksivautangane, ernitit kammatsiartuinarpatta apᴋotigijamingnik, agvertarᴋovlugit perᴋojamne, sorlo igvit sâmne agvertarlauravit.

Hiobe 1:5

Nerrimârnerublo uvlungit sorailaukpatta, Hiobe tilliklilaukpok tagvunga ivsornaitipaillo, makkilunelo uvlarârsukut, tunnijilunelo tunnergutinnik otaksanik, unnurningit malliklugit. Hiobe isumagame: Ernikka idluitullijungnarajarput, Gûdelo allarungnarajarlugo ômattimingne. Taimailiulaukpok Hiobe uvlut tamaita.

Hiobe 13:26

Igvit aglagvigigamga ᴋassilingnartomik, inosungnimalo ajorninginnik kingormgujitiparma.

Imgerut 119:11

Oᴋautsitit torᴋorpakka ômattimne, idluitullerᴋonanga illingnut.

Imgerut 17:4

Inuit illiorninginne kangasinâkpit oᴋausingit malligaksarilaukpakka, sapputilungalo aksorornermut idluitullijub apᴋotinganit.

Imgerut 25:7

Inuosungnima idluitulliningit, tappanikkalo issumagitailikit; nâpkiningnîlle malliklugo issumagilaunga, pitsiarnît pivlugo.

Imgerut 34:11

ᴋaititse ᴋittorngaujose tamaunga, tussanârissinga, sivôranermik Nâlekamik ajochertoromavapse.

Salomob Okâl 1:10

ᴋitorngâk, uivêtut idluitut kajungertilerangagit, tagva malliktailikit.

Salomob Okâl 1:4

Ilisimaitut silatunermik, inosuktullo ilitarksinermik, issumaksarsiornermiglo tunnitsiviolerᴋovlugit.

Salomob Okâl 2:11

Tagva ajuᴋertutsit idluartut serngniginiarpâtit, silatunerublo sapputiniarpâtit;

Salomob Okâl 4:1

ᴋitorngakka tussaritse, atâtapse Nâlektitsininganik; kamatsialeritse, ilinniarᴋovluse silatulerᴋovluselo.

Salomob Okâl 7:7

Takkolungalo ilisimaitut akkornganut, missigilungalo ernerit akkorngane inosuktomik angumik;

Okaluktok 11:9

Tagva inôsuktotit ᴋuviasugit inôsungnerne ômatillo alliasulerle, inôsungnivit uvlunginne. Piniarit ômativit tussugijanginnik, ijîkpillo takkungiartanginnik; ᴋaujimalerille Gûdib tamakkoa tamaita pivlugit pititsomârmattit erᴋartuivingmut.

Lukase 15:13

Uvlullo ikitut nângmatta, nukardliub perᴋutine tamaita katilerpait, nunamullo ungasiktomut aularpok; tagvanelo perᴋutine nungupait Kuksalaitomik inôseᴋarlune.

Johannese 15:3

Ilipse mâna sujungaipose oᴋautsit pivlugit, oᴋauserilauktakka ilipsingnut.

Deuteronomy 17:18

Imaituksauvorlo, iksivalerune ataniovingme iksivautaᴋsoangane, tagva perᴋojat ukkua adsinginik pigijaksarijaminik aglaktuksauvok makperteraksanut, ajuᴋertuijut Levikut pingit adsilivlugit;

II Timôteusemut 2:22

Inôsuktut ikligunerivaktangit ᴋemangniakit; idluarnerle pinasuaruk, okpernerlo, naglingnerlo, ullapirsainerlo ilûnaita Nâlekamut tuksiartut illagivlugit ômamut ivjornaitomut.

Josua 1:7

Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.