57 “Nâlegak illangiusiarivara,” taimak oᴋarᴋattarpunga oᴋautsitit ivleritsainaromavlugit.
Angermarikpunga malligomavaralo, idluarnivit idluarijangit torᴋoromagapkit.
Aularitse uvamnit kassêtose; Gûdima perᴋojangit nâlagomavakka.
Pillorikput tâpsoma kigligiutsininginik nâlektut, ᴋennertut tâpsominga ômamut tamânut.
Nâlegak illingnut nipliadlarpunga, oᴋarlungalo: Igvit tattigivagit, illangiusiarivagit inôjut nunangene.
Nâlegarle perᴋutigivara, illangiusiarijaralo ermgusiârsungmit; igvit kingormgutijara udsertorpat.
Sorlo kangasinâka aitarlaurapkik, sorlolo ᴋannera oᴋalaungmat kappiasungnimne.
Timigalo tarnigalo perleralloarpannik, tagva igvit Gûde sulle ômattima mannigornerivâtit illangiusiarivagillo.
Jâkob kingormgutijanga taipkotitunaulungilaᴋ; tâpsoma tamaita pingortilaungmagit; Israêliblo kinguvângit kingormgutivait; atteᴋarporlo Nâlakamik Zebaotemik.
Nâlegak piksarsiarivara, tarniga oᴋarpok; tamanna pivlugo nerriugvigivara.
Kingormgutijaksaᴋarniangilallo ᴋatangutimik akorngane, Nâlegak kingormgutivât, sorlo oᴋautilaungmagit.
ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.
Sivunipsigullo innuᴋattigêksuit Amoriterit illunaita nunaᴋalauktut nuname pingujarlaukpait: Tamanna pivlugo Nalegak kivgartoromavavuttauk; Gudigigaptigo.
Innugasaksuillo Josuamut oᴋarput: Taimangolungitok, Nalegarle kivgartoromavavut.