Imgerut 119:4 - Labrador Inuttitut Heritage Bible

⁴ Perᴋojilaukpotit pinniartauᴋojattit mallitsiarlugit attaruilijomik.

Imgerut 119:4 Iomraidhean Croise

Esra 7:21

Uvanga attanniôjunga Arthasastha, tamanna perᴋoᴋauvara pimaklertunut illunainut kôksub ungatânetunut, sunamik Esrab, ajochertuijub, aglangniglo illissimajub ᴋillaub Gudingata perᴋojanginik, ᴋaitauᴋojanginik illipsingnit, tammakkoninga attaruilivluse pinniarᴋovluse;

Exodus 7:6

Moseselo Aronelo taimailiorpuk; sorlo Nâlekab perᴋungmagik, taimâk iliorpuk.

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Hesekiel 20:19

Uvanga Nâlegaugama Gudise; arvertaritse maligaksauᴋojamne nâlekluselo perᴋojamnik, tamakkoa piniarlugit;

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Johannese 14:15

Nagligigupsinga, perᴋojakka malingniarsigik.

Johannese 14:21

Perᴋojamnik pilik, maliklugillo, tâmnauvok nagliktok uvamnik. Uvamnigle nagliktok nagligijauniarpok Atâtamnut, uvangalo nagliginiarpara nelojungnaitilugolo uvamnik.

Deuteronomy 11:13

Imaitsomarporlo, perᴋojakka perᴋojijutigijakka ilipsingnut uvlome kamagitsiarupsigik, Nâlegak Gûdise nagligilugo kivgartorlugolo ômatipsingnut tamânut tarnipsingnullo tamânut,

Deuteronomy 11:22

Katsungaidluse perᴋojaᴋ tamanna perᴋojijutigijara ilipsingnut malikupsiuk piniarlugolo, tagva Nâlegak Gûdise nagligijomavlugo, apᴋutauᴋojangillo arvertarvigivlugit, ungagijomavlugolo;

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 30:16

Perᴋogapkit uvlome Nâlegak Gûdît nagligijaksarigangne, arvertartuksaugavit tâpsoma apᴋutauᴋojangine, maliktuksaugavit tâpsoma perᴋojanginik maligaksauᴋojanginiglo idluarsautiksanginiglo, inôᴋovlutit unuksiᴋovlutillo, Nâlegak Gûdît saimarsaiᴋovlugo ilingnik nuname aivigijarne pigijomavlugo.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;

Deuteronomy 6:17

Katsungaivluse nâlektuksauvose Nâlekab Gûdipse perᴋojanginik, kigligiutsininginiglo, maligaksanginiglo, perᴋolauᴋtanginik ilingnut.

Deuteronomy 6:3

Nâlagit, taimaimat, Israêl, kamagitsiarlugo piniarᴋovlutit; piloridlarᴋovlutit, unuksivaliaᴋovlutillo sôngojomik, sorlo Nâlekab, atâtagijavît Gûdingata, angervigingmatit, nuname imungmik igupsaujârtullo orᴋsuanik kôlingme.

Josua 1:7

Maksoatuinarit ᴋuviasudlarlutillo, mallitsiarᴋovlutit, pinniarmariᴋovlutillo perᴋojat Mosesib kivgama perᴋolauktangit illingnut malliklugit. Sanniagorniarnagit tallerpingmullonêt saumingmullonêt, sillatutsiartunnik illuseᴋarungnarᴋovlutit pinniaraksarne tamaine.

I Johannesib 5:3

Gûdemik naglingniᴋ tamadja, piᴋojangit malikaptigik; piᴋojangillo ajornangilat.